Qan aylaniw sistemasi

Quslardin` ko`beyiwi, rawajlaniwi ha`m kelip shig`iwi

Ko`beyiw da`wiri. Qisqi suwiq ku`nleri o`tip, hawa jilli bola baslawi menen quslar ko`beyiwge tayarlana baslaydi. Ayirim quslar erte ba`ha`rde, basqalari ba`ha`rdin` ortalarinda ko`beyiwge kirisedi. Quslardin` ko`beyiw waqti ma`yekten shiqqan palapanlardin` azig`inin` ko`p boliwina baylanisli.

Jup payda etiwi. Ko`pshilik quslardin` erkegi ha`m urg`ashisi ko`beyiw da`wrinde juplasip jasaydi. Kishkene quslardin`, misali ko`pshilik shimshiq ta`rizlilerdin` ha`m qumirilardin` juplari tek bir ma`wsim, jirtqish quslar ha`m basqa u`lken quslar (la`ylek, qutanlar)din` jubi uzaq jillar dawaminda saqlanadi. Ko`pshilik quslarda toparlar payda bolip, onda bir erkegi ha`m bir neshe urg`ashilari boladi. Ayirim tawiq ta`rizliler turaqli jup payda etpeydi. Quslar ha`m qurlardin` qorazlari ashiq jerde o`z ara tartisiw ushin toplanadi. Olar qanatlarin ha`m quyriqlarin jayip o`zin ko`rsetiwge ha`reket etedi. Bul waqitta olardin` arasinda qisqa mu`ddetli uris boladi.

Uya saliwi. Ko`pshilik quslar ma`yek tuwiw ushin uya saladi. Uyalarinin` tu`ri ha`m du`zilisi ju`da` ha`r qiyli boladi. Jirtqish quslar, la`ylekler