Qalandarova baxtigul ozod qizi maktabgacha ta’lim tashkilotlarida bolalar nutqini o‘stirish va tafakkurini rivojlantirish usullari

7-savol. O‘zbek milliy qo‘shiqlarini o‘rganishning bola nutqini o‘stirishidagi va tafakkurini rivojlantirishdagi roli qay darajada ekanligini bilishlari so’raldi.
“Boychechak” , “Alla” milliy qo’shiqlarini o’rganishda so’zlarni to’g’ri talaffuz qilishlariga, matnni yod olishlariga alohida e’tibor qaratilsa, mashg’ulot samarali bo’ladi” javobini berganlar 60%ni, turlicha javob bergan tarbiyachilar soni 40 % tashkil etdi.
8 - savol. Tarbiyachilarning rasmlar bilan ishlash jarayonida bog‘cha tarbiyalanuvchilari og‘zaki nutqini o‘stirish va tafakkurini rivojlantirishning qanday usullaridan foydalanishi so’raldi. Bolalar og‘zaki nutqini faollashtirish maqsadida tarbiyachi turli xil rasmlardan foydalanishi yaxshi natija beradi, javobini berganlar 60%ni, bolani undashga majbur etadigan topshiriqlardan berish kerakligi javobini berganlar 20%ni,. Bunday topshiriqlar bolaning fikrlash qobiliyatining kengayishiga yordam beradi, javobini berganlar 20% ni tashkil etdi.
9 – savol. Tarbiyachilarning tabiatga sayr jarayonida bog‘cha bolalari og‘zaki nutqini o‘stirish va tafakkurini rivojlantirishning qanday yo’llarini bilishi so’raldi. Bolalarning tabiatga sayri jarayonida og‘zaki nutqini o‘stirish uchun yil fasllaridan “Bahor” bo‘yicha suhbat o‘tkazganda gullarning nomi va o‘simliklarning nomini bilishga va boshqa fasllar haqida suhbat o’tkazilganda shu fasllarga xos belgilarni bilishlariga e’tibor qaratilishi kekligi javobini berganlar 55%ni, Bolalarda tabiatga mehr uyg‘otishda tarbiyachilarning daraxtlar,qushlar yoki boshqa narsalar haqidagi kichik she'rlarni yod oldirishlari va ularning mazmunini tushuntirishlari maqsadga muvofiqligi javobini berganlar 45% ni tashkil etdi.
10- savol. Pedagogik faoliyatingiz davomida qanday davriy matbuot materiallaridan foydalanasiz, degan savolga “Maktabgacha ta’lim” jurnali javobini berganlar 40%ni, “Tarbiyachi” jurnali, deya javob berganlar 10%ni, boshqa turli dariy mabuot nomlarini aytganlar 30%ni, javob bermaganlar 30%ni tashkil etdi.
Bundan chiqariladigan xulosa shuki, maktabgacha ta’lim tashkiloti tarbiyachilari bolalarnining nutqini va tafakkurini o’stirish bo’yicha turli metodik jurnallar va uslubiy qo’llanmalardagi alohida materiallarni juda kam o’qishadi yoki o`qimaydilar, qiziqib ham ko`rmaydilaryoki yoki, oliy o’quv yurtida olgan bilimlari bilan cheklanadilar. Demak, ilmiy-amaliy tayyorgarliklari doimiy rivojlanishda emas degan tushuncha paydo bo`ladi.