Психология юнон тилидан таржима қилинганда – таълимот, жон билим тўғрисида (“psyche” – жон, руҳ ва “logos” – таълимот, илм) деган маънони англатади

Иккинчи босқичда спорт психологияси фан сифатида педогогик жараёнларида қўлланила бошлади. Спортчиларнинг билиш жараёнлари психологияси шакллантирилди, спортчиларнинг иродавий сифатларини тарбиялаш, мусобақага психологик жиҳатдан тайёрлаш механизмлари ишлаб чиқилди. Натижада спортда психодиагностика соҳаси пайдо бўлди. Бу босқичда кўплаб илмий тадқиқот ишлари бажарилган. Спортчиларни умумий психологик тайёрлаш масалалари бўйича услубий кўрсатмалар ишлаб чиқилди. Спортчиларнинг техник, жисмоний, психологик ва тактик тайёргарлигини, спортчи шахсини, спортчилар жамоасини такомиллаштириш масалаларини ҳал қилишга эришилди.
Ҳозирги кунда спорт психологияси спорчиларнинг амалий фаолияти қирраларини янги шакл, восита ва услублар воситасида ўрганувчи фан сифатида спортчиларни илмий асосда бошқариш ишларини тўғри ташқил этиш, спортчиларга янги назарий билимлар бериш, уларнинг шахсий муаммоларини ечиш учун йўл-йўриқ кўрсатадиган фан соҳасига айланди.
Спорт психологияси фани спортнинг барча турларини қамраб олади. Бу фан спорт мусобақаси даврида спортчиларга намоён бўладиган жисмоний ва психологик маҳоратни янада такомиллаштириш, тарбиялаш қонуниятларини ўрганади ҳамда спорт машғулотларини сифатли ташқил этиш услубларини ишлаб чиқишда иштирок этади.
Спорт психологияси спортда пайдо бўладиган муаммоли вазифаларни тўғри ҳал этиш учун қуйидагиларни ўз олдига мақсад қилиб қўяди.
1. Спорт фаолиятининг спортчилар психологиясига таъсирини ўрганиш:
- спорт мусобақаси жараёнини психологик жиҳатдан таҳлил қилиш (спорт турларини алоҳида ва умумий таҳлил қилиш);
- спорт машғулоти ва мусобақасининг спортчи характерига таъсирини ўрганиш;
- спорчиларнинг ахлоқий ва иродавий сифатларини ўрганиш;
- спорт фаолиятининг шарт-шароитларини психологик таҳлил қилиш;
- спортчиларнинг ўзаро муносабатларини ва ташқилотчилик қобилиятларини шакллантириш.
2. Спорт машғулотини сифатли ташқил қилиш мақсадида махсус психологик кўрсатмалар бериш:
- спорт машғулоти жараёнини сифатли ташқил қилиш учун спорт анжомлари билан таъминлаш;
- спортчи организмининг юқори даражада ишчанлигини маърифий фаоллигини ўстириш йўлларини топиш;
- спортнинг алоҳида турлари учун янги психогик усуллардан фойдаланиш.
Масалан, психодиагностика услублари ёрдамида спортчининг ижтимоий ва моддий шароити, муҳит, билиш жараёнлари, спорт қобилиятлари кабилар ўрганилади.