Portlash Yonish xavfi bor kimyo, neft kimyo va neft gazni qayta ishlash korxonalari uchUN PORTlash XAVFSIZLIGINING UMUMIY QOIDALARINI TASDIQlash to‘G‘risida

X bob. Xodimlarni jarohatlanishdan saqlash.
305. O‘z tarkibida portlash xavfi bor texnologik obyektlarga ega korxonani joylashtirish, uning hududini rejalashtirish, qurilish obyektlarining hajmiy-rejalashtirish yechimlari me’yorlari va qoidalari, texnologik loyihalash me’yorlari, idoraviy me’yorlar va ushbu Qoida talablariga muvofiq amalga oshirilishi kerak.
306. O‘z tarkibida portlash xavfi bor ishlab chiqarishlarga ega bo‘lgan korxonalar hududida tabiiy chuqurlik, pastlik, o‘yilgan joylar bo‘lishiga va portlash xavfi bor bug‘ va gazlarni yig‘ilishi mumkin bo‘ladigan ochiq xandaq, kotlovan va o‘ralarni joylashishiga, TAS, YoS va suyultirilgan yonuvchi gazlari bo‘lgan quvurlar trassasini sun’iy yoki tabiiy chuqurliklarga, xandaq va yer ustiga yotqizilishiga ruxsat berilmaydi.
307. Texnologik obyektlar, ishlab chiqarish xonalari, ma’muriy-xo‘jalik, maishiy xonalar va avariya vaziyatlarida xavfli zonada chegarasida insonlarning doimiy yoki vaqtinchalik bo‘ladigan joylari, texnologik obyektlarda avariya vaziyatlari haqida xodimlarga samarali xabar berish tizimlari bilan jihozlanadi.
Avariya sodir bo‘lish holatlarining kengayib ketishini oldini olish rejalari, avariya sodir bo‘lishni bartaraf qilish bilan bevosita bo‘lmagan insonlarni xavfsiz joylarga olib chiqish bo‘yicha tadbirlarni nazarda tutadi.
308. Yangidan loyihalashtirilayotgan portlash xavfi bor obyektlar uchun quyidagi talablar ta’minlanishi kerak:
boshqarish xonalari joylashgan binolar zarba to‘lqinlari ta’siriga chidamli, u yerdagi xodimlar xavfsizligini ta’minlanishi va avariya vaziyatlarida texnologik jarayonlarni xavfsiz holatga o‘tkazish uchun nazorat, boshqarish, avariyaga qarshi avtomatik himoya tizimlarining faoliyatini ta’minlash avtomatik vositalarga ega bo‘lishi kerak;
insonlar doimo bo‘lishi nazarda tutilgan ma’muriy va boshqa ishlab chiqarishsiz binolar, texnologik qurilmalarda avariya sodir bo‘lganida, zarba to‘lqinlari ta’siriga chidamli bo‘lishi kerak.
309. Portlashda ishtirok etuvchi modda massalarining hisoblanishi 2-Ilovaga muvofiq amalga oshiriladi.