Polietilenni termik barqarorligini oshirish texnologiyasini ishlab chiqish

Tadqiqot maqsadi: “Sho‘rtangangazkimyo” majmuasi MChJda ishlab chiqarilayotgan polietilenning termik barqarorligini yog‘-moy sanoati chiqindisi gossipol smolasini qo‘llab oshirish va polietilenning fizik-mexanik xossalariga bo‘lgan ta’sirlarini o‘rganishdan iborat.
Tadqiqotning vazifalari. Qo‘yilgan maqsad quyidagi topshiriqlarni hal qilish bilan amalga oshiriladi:
- gossipol smolasini modifikatsiya qilish, polietilen kompozitsiyasining fizik-mexanik xossalarini va spektral tavsiflarini tadqiq qilish;
- yangi modifitsirlangan ingredientlarni PE xossalariga ta’siri va ularni optimal konsentratsiyalarini aniqlash;
- yangi turdagi polietilen materiallari ishlab chiqarish uchun ishchi retsepturalar ishlab chiqish;
- gossipol smolasi bilan stabillangan polietilen kompozitsiyalarining reologik xossalari, plastogrammalari va tahlilini o‘rganish;
- stabillangan polietilen kompozitsion materiallari olish texnologiyasini ishlab chiqish va ularni ishlab chiqarishda qo‘llash uchun tavsiya etish.
Tadqiqot predmeti: Polietilen xom-ashyosining quvurlar ishlab chiqarish uchun muljallangan PEY-342 markaci tanlangan.
Tadqiqot usullari: Ishning bajarilishida termik diffrensial analiz, infraqizil spektroskopiya usullaridan, Brabender va fizik-mexanik, kimyoviy xossalarini aniqlash uskunalaridan foydalanilgan.
Himoyaga olib chiqilayotgan asosiy holatlar:
- polietilen asosidagi materiallar olish uchun gossipol smolasi asosida yangi turdagi stabilizatorlar ishlab chiqish;
- modifikatsiyalangan gossipol smolasi asosida stabilizatorlar olish texnologiyasini ishlab chiqish, ularni sifat va miqdoriy ta’sir qilish mexanizmini o‘rganish.
Ilmiy yangiligi: Qarshi shahridagi yog‘-moy ekstraksiya zavodining texnologik chiqindisi gossipol smolasi asosida polietilen uchun birinchi marta modifikatsiyalangan termostabilizator namunasi olindi. Gossipol smolasi bilan stabillangan polietilenning termik va termooksidlanish destruksiya kinetikasi va ularning mexanizmi tadqiq qilindi. Olingan polietilen kompozitsion materiallar asosida ularning fizik-kimyoviy, texnologik xossalari o‘rganildi, shuningdek texnologiyasi ishlab chiqildi.