Polietilenni termik barqarorligini oshirish texnologiyasini ishlab chiqish

Tashqi ta’sir natijasida polietilen tuzilishining o‘zgarishi
Uy sharoitida polietilenni saqlashda nur ta’sir qilmaydigan xolatda polietilen pardasiga kislorodni ta’siri juda xam sekin. Ekspluatatsiya qilishda, xarorat oshgan sari kislorod ta’siri ortib boradi va buni polietilen pardalarining fizik–mexanik xossalarini pasayishida ko‘rish mumkin.
Tashqi ta’sir natijasida polietilenda makromolekulalar destruk­siyasi uning molekula massasini kamayishiga xamda makromole­kula­lar­ning choklanishiga va uning fizik-mexanik xossalarini pasayishiga olib kelishi mumkin.
Yuqori bosimli polietilenning o‘tkazuvchanligi
Polietilen suyuqlik va gazlarni o‘z devoridan o‘tkazish xossasiga egadir. Yuqori bosimli polietilenda polivinilxlorid va polietilentereftolatlarga nisbatan 2 marotaba ko‘p. Polietilen amorf qismining o‘tkazuvchanligi kristall qismiga nisbatan ancha yuqori. Polietilen zichligini ortishi bilan o‘tkazuvchanligi kamayadi. YuBPE da suv va uni bug‘larini o‘tkazuvchanlik ancha (PVX-ga nisbatan) past. Bu xol polietilenni amaliyotda qo‘llashda muxim axamiyatga ega.
Polietilenning markalari
Xar xil usullar bilan sintez qilingan polietilen usulga qarab markalarga bo‘linadi. Misol uchun Rossiyada qabul qilingan standartlarni keltiramiz.
Yuqori bosimda ishlab chiqilgan polietilen GOST 16337‑77 bilan ifodalanadi. Bunga ko‘ra polietilen markalari quyidagi raqamlar bilan belgilanadi:
- aralashtiruvchi reaktorda sintez qilingan bo‘lsa, 10204–003 dan 12502–2000 raqamlar bilan;
- trubasimon reaktorda olingan polietilen 15003–002 dan 18705–200 raqamlari bilan.
Bu raqamli polietilen asosiy (bazovыy) xisoblanadi va oq granula xolatda ishlab chiqariladi. Bu marka asosida kompozitsiya tayyorlanadi.
Ayrim markalarning ko‘rsatkichlarini keltiramiz.
10204–003 markali polietilen:
Zichligi, g/sm³ 0,9230 - 0,001
PTR g/10 min 0,3 - 15 %
Polietilen ichidagi ayrim qo‘shimchalar miqdori, ko‘pi bilan 2 – 10 %