Polietilenni termik barqarorligini oshirish texnologiyasini ishlab chiqish

1.3. polietilenning xossalari va markalari
Polietilenni xossasi birinchi navbatda uni molekular massasi, zichligi va kimyoviy tarkibiga bog‘liqdir.
Quyidagi 2-jadvalda har xil usulda olingan polietilenning asosiy ko‘rsatkichlari va ular polietilenni qaysi xossasiga bog‘liq ekanligi ko‘rsatilgan.
1-jadval
Polietilenning asosiy ko‘rsatkichlari

№	Molekular massa­ning oshishi ku­yi­dagi ko‘rsat­kich­ni oshishiga olib keladi		Zichlikning (kris­tallik da­ra­jasi) oshishi quyidagi ko‘rsat­kichlarni oshi­ra­di	Molekulani kimyoviy tarkibi ta’sir ko‘r­sa­tadi
1		Eritma va suyul­ma­ni qovushqoq­ligi	1. Suyuqlanish xarorati		1.Elektrik xususiyatiga
2		Uzulishdagi nisbiy cho‘zilishga	2. Bikrlik, qat­tiq­lik cho‘zilish­ga karshilik		2.Kimyoviy turg‘unligiga
3		Cho‘zilishdagi rux­sat etilgan yukla­nish	3. Gaz o‘tkazuvchanligi		3. Nurni sinishiga
4		Cho‘zilishdagi oquv­chanlik chega­ra­si			4.Issiqlik o‘tkazuvchanligiga
5		Mo‘rtlik xarorati			5.Parchalanish temperaturasiga
6		Korroziyaga turg‘unligi

Past, o‘rta va yuqori bosimda olingan polietilenning xossalari
2-jadval

Ko‘rsatkichlar	Polietilen olish usullari
	Yuqori bosim	Past bosim AlR2Cl, TiCl4	O‘rta bosim Al2O3, Cr2O3
Zichlik kg/m^3	920	950-960	950-970
Molekular massasi	15000–35000	70000-350000	10000-100000
Kristallik darajasi, %	55-60	80-87	90-93
Suyuqlanish temperaturasi	103-120	125-130	123-133
Ruxsat etilgan yuklanish, kg/sm^2	120-160	280-400	285
Egilishni elas­tik moduli (mo­dul upru­gosti), kg/sm^2	12000–26000	65000–75000	80000–100000
Elektr bardosh­ligi, kv/mm	40	28 -36	40 – 45
Dielektrikni tangens burchagi, 10^6 Gs	2.10^-4 5.10^-4	2.10^-4 3.10^-4	2.10^-4 4.10^-4

Polietilenning fizik–mexanik xossalari
Yuqori bosim ostida ishlab chiqarilgan polietilenning fizik-mexanik xossalari asosan uning molekular massasiviy, molekular massa taqsimoti, qisqa va uzun zanjirli tarmoqlarni mavjudligi kristalligi, molekular va nadmolekular strukturasi orqali aniqlanadi.
Polietilenning oquvchanlik chegarasi, egilish moduli (W), qattiqligi qisqa zanjirli tarmoqning kamayishi bilan oshib boradi. Bu xossalar polietilenni kristallik darajasiga va zichligiga to‘g‘ri proporsionaldir. Nisbiy cho‘zilish, cho‘zilishdagi mustaxkamligi, mo‘rtlik xarorati, zarbga chidamliligi, kuchlanishdagi turg‘unligi asosan molekular massasiga bog‘liqdir.
Elektr xossalari – yuqori bosim ostida sintez qilingan polietilen yuqori dielektriklik xossa ega. Buning sababi sintez davrida initsiatordan tashqari xech qanday kimyoviy moddalar qo‘shilmasligidir.
Dielektrik xossalarga quyidagilar kiradi:

• 
  nisbiy yuza elektr karshiligi, om 110¹⁵
  
• 
  nisbiy xajm elektr karshiligi, om m 110¹⁶-110¹⁷
  
• 
  dielektrik yo‘qotishning tangens burchagi (2-3)10^-4
  
• 
  elektrik mustaxkamligi 40-50 kv/mm
  

Optik xossalari – polietilenning optik xossalari uning molekular massasiga va nadmolekular strukturasiga, o‘ziga xos xususiyatlariga bog‘liqdir.
Kimyoviy xossalari - polietilen makromolekulasi –SN₂- guruxlaridan tashkil topgan bo‘lib, uzun zanjirdan iboratdir. Polimer qisman kristallik tuzilishga ega. Amorf qismi 60-80% ni tashkil etadi. SN₃ gruppasi esa 1,5–2,5 100⁰S to‘g‘ri keladi. –S=S- gruppa esa 0,3-0,5 1000⁰S to‘g‘ri keladi. Tarkibida kislorod bo‘lgan gruppa:-S-O; -O-N; -O-O-N; -S-O-S juda oz miqdorni tashkil etadi (10^-3–10^-4 %)
Oddiy xaroratda, nur ta’sirisiz, yuqori bosimli polietilen xavodagi kislorod ta’siriga bardosh bera oladi. Shuningdek kuchli ishqor va kislotalar ta’siriga chidamlidir. Kuchli kislotalardan azot kislotasi va uning eritmalari yuqori bosim ostida olingan polietilenni oksidlashi mumkin.
Organik suyuqliklarni ta’siri xaroratga bog‘liq. Uy xaroratida YuB-PE ga xar qanday organik eritmalar uzoq vaqt ta’sir kilganida xam erimaydi. Bunda eritmani diffuziyasi va polietilenni qisman bo‘kishini ko‘rish mumkin. 60⁰S da polietilen galogenuglevodorodlarda alifatik va aromatik uglevodorodlarning xossilalarida eriydi.
YuB-PE aniq bir sharoitda ayrim birikmalar bilan kimyoviy reaksiyaga kirishishi mumkin, buni kimyoviy modifikatsiya nomi bilan yuritiladi. Bu amaliyot uchun axamiyatlidir. Masalan, xlorlangan, sulfaxlorlangan polietilenlar shular jumlasiga kiradi.