Пластик деформациялаб ишлов беришнинг асосий усуллари

Штамплаш. Олинадиган буюм характерига кўра штамплашнинг ҳажмий ва лист 
штамплаш турлари мавжуд. 
а) ҳажмий штамплаш. Бу усулда кўпинча заготовкани зарур температурагача 
қиздириб штамп деб аталувчи асбобни пастки палла бўшлиғига қўйииб, болғанинг 
қўзғалувчи бабасига ўрнатилган штампнинг устки палласи билан бир неча бор зарблаш 
орқали штампланади. Бунда заготовка пластик деформацияланиб, штамп бўшлиғини 
тўлдиради (9-расм, д); 
б) лист штамплаш. Бу усулда лист, полоса, ленталардан тайёрланган заготовкани 
матрица деб аталунчи асбоб устига қўйиб, чети қисқич билан қисилгач, пуансон билан 
эзган ҳолда матрица кўзига киритиб ишланади (9-расм, е). Бу усулда скоба, втулка, стакан, 
автомобиль канотлари каби буюмлар олинади. 
Ҳозирги вақтда металларни босим билан ишлаш машинасозлик саноатида муҳим 
ўрин тутади. Мамлакатимизда суюқлантириб олинадиган пўлатнинг қарийб 90%, рангли 
металлар ва улар қотишмаларининг эса 55% га яқини босим билан ишланади. 
Босим билан ишлашдан кўзда тутиладиган асосий мақсад оддий шаклдаги 
заготовкалардан мураккаб шаклли буюмлар ҳосил қилиш, металлнинг структурасини 
яхшилаш ва механик хоссаларини оширишдан иборат. Босим билан ишлаш учун 
заготовкалар сифатида пўлатдан, рангли металлар ва улар қотишмаларидан олинган 

---

қуймалар ҳамда лист ва сорт прокатлар ишлатилади. Металларни босим билан ишлаш энг 
тежамли технологик процесс ҳисобланади, чунки босим билан ишлашда металлнинг жуда 
ҳам оз қисми чиқиндига чиқади. Масалан, болтнинг механикавий хоссалари кесиб 
ишланган болтникига қараганда анча юқори бўлади, чунки босим билан ишлашда 
металлнинг толалари эгилса, кесиб ишлашда қирқилиб кетади. 
Металларни босим билан ишлаш процесслари тобора такомиллаштирилмоқда, бу 
эса иш унумини янада оширишга, маҳсулот таннархини пасайтириш ва металлни янада 
кўпроқ тежашга имкон беради.