Пластик деформациялаб ишлов беришнинг асосий усуллари

МЕТАЛЛАРНИНГ ЭЛАСТИК ДЕФОРМАЦИЯЛАНИШИ 
Металлга таъсир эттирилган куч олингандан кейин металл асли ҳолига (шаклига) 
қайтса, яъни унинг деформацияси йўқолса, бундай деформация эластик деформация деб 
аталади. Масалан, пўлат пружина сиқилса, унинг шакли ўзгаради, яъни деформация-
ланади, бу пружина қўйиб юборилса, яна аввалги вазиятига келади — унинг 
деформацияси йўқолади. Анашу деформация эластик деформация бўлади. Пружина 
сиқилганда пўлатнинг кристалл панжараси ўзгаради, пружина қўйиб юборилгандан кейин 
эса кристалл панжара яна асли ҳолига келади. 
Металлнинг чўзилишидаги эластик деформацияланиши билан кучланиши орасида 
чизиқли боғланишнинг математик ифодаси қуйидагича бўлади ва пропорционаллик 
қонуни, бошқача қилиб айтганда, Гук қонуни дейилади:
𝜎 = 𝐸𝛿 
Гук қонуни бундай ифодаланади: Чўзилган стерженларда нормал кучланиш нисбий 
чўзилишга тўгри пропорционалдир. 
σ — деформация (чўзилиш); 
δ — нормал кучланиш; 
Е — пропорционаллик коэффициенти. 
Металлнинг эластиклик хоссаси маълум чегарагачагина сақланиб қолади, кучланиш 
бу чегарадан ошса, металлнинг эластиклик хоссаси йўқолади. Ана шy чегара эластиклик 
чегараси деб аталади. 
Металлнинг эластиклик хоссалари атомлараро таъсир кучларидан келиб чиқади, 
шунинг учун металл қиздирилганда эластиклик модули пасаяди, чунки температуранинг 
кўтарилиши натижасида металлнинг кристалл панжарасидаги атомлараро масофа 
катталашади, бинобарин, атомларнинг ўзаро тортишув кучи заифлашади. 

---

МЕТАЛЛАРНИНГ ПЛАСТИК ДЕФОРМАЦИЯЛАНИШИ 
Металлга бирор куч таъсир этирилганда шу металлнинг геометрик ўзгариши 
деформация дейилади. 
Металлга таъсир эттирилган куч олингандан кейин металл асли холига (шаклига) 
келмаса, яъни унда қолдиқ деформация ҳосил бўлса, бундай деформация пластик 
деформация дейилади. Металлда пластик деформация шу металлга таъсир эттирилган 
нагрузка эластиклик чегарасидан ортгандагина вужудга келади. 
Пластик деформация, юқорида айтиб ўтилганидек, деформациянинг иккинчи 
босқичи, яъни эластик деформациянинг давоми бўлади 
Техник ўлчашларда намуна узунлигининг ёки бошқа улчамининг 0,2 процентига 
тенг қолдиқ деформация ҳосил қиладиган кучланиш характеристикаси оқувчанлик