Пластик деформациялаб ишлов беришнинг асосий усуллари

Технологик хоссалари. Металларнинг бу хоссалари совуқлайин ва қиздирилган 
ҳолатларда уларга ишлов бериш хусусиятини характерлайди. Металларнинг технологик 
хоссалари уларга ишлов бериш усулларига яроқли эканлиги ҳақида сифатли маълумот 
берувчи технологик намуналарда аниқланади. Технологик синалган намуна кўздан 
кечирилади. 
Технологик намуналар: маълум бурчакка эгиш; томонлари параллел бўлганча эгиш; 
томонлари туташгунча эгиш; ўралишга синаш; трубаларни пачоқланишига синаш; 
чўкишга синаш билан аниқланади. 
Намунада дарзлар, шилинган, синган ёки кўчган жойлар бўлмаса, у синовга бардош 
берган ҳисобланади. Асосий технологик хоссаларига кесиб ишланувчанлик, 
пайвандланувчанлик, боғланувчанлик, қуйилиш хоссалари ва бошқалар киради. 
Болғаланувчанлик металлга совуқлайин ёки қиздирилган ҳолатда уни емирилиш 
аломатларисиз босим остида ишлов бериш хусусиятидир. Болғаланувчанлик намунани 
берилган даражагача деформациялаб, темирчилик усулида болғалаб аниқланади. 
Намунанинг чўкиш баландлиги, одатда, унинг иккиланган диаметрига тенг бўлиши керак. 
Агар унинг ён сиртида дарзлар пайдо бўлмаса, бундай намуна синовга бардош берган, 
текширилаётган металл эса босим остида ишлов беришга яроқли ҳисобланади. 
Эксплуатацион хоссалари. Бу хоссалар машинанинг иш шароитига боғлиқ ҳолда 
махсус синовлари ўтказиб аниқланади. Эксплуатацион хоссалардан энг муҳим ейилишга 
чидамлиликдир. 

---

Металлга бирор куч таъсир эттирилганда шу металл геометрик шаклининг ўзгариши 
деформация дейилади. 
Металлга ташқи куч таъсир эттирилишидан олдин, яъни у деформацияланмаган 
ҳолда бу металлнинг кристалл панжараси ўзгармайди, металл деформациялангандан 
кейин эса унинг кристалл панжараси ўзгаради — панжара тугунларидаги атомлар ўз 
ўрнидан силжийди. 
Нормал температурада металлнинг деформацияси уч босқичдан: эластик ва пластик 
деформациялардан ҳамда емирилишдан иборат бўлади.