Пластик деформациялаб ишлов беришнинг асосий усуллари

Металл ва қотишмаларнинг физик, кимёвий, механик, технологик ҳамда 
эксплуатацион хоссалари мавжуд 
Физик хоссалари. Металларнинг физик хоссаларига унинг ранги, зичлиги, 
суюқланиш температураси, иссиқлик ўтказувчанлиги, иссиқдан кенгаювчанлиги, 
иссиқлик сиғими, электр ўтказувчанлиги, магнит хоссалари ва бошқалар киради. 
Металл ва қотишмаларнинг солиштирма оғирлиги. Жисм оғирлигининг ҳажмига 
нисбати шу жисмнинг солиштирма оғирлиги деб аталади ва d* харфи билан белгиланади: 
𝑑 =
𝐺
𝑉
Мн/м
3
, (10
−2
Г/см
2
) 
Кимёвий хоссалари. Металлар ва қотишмаларнинг химиявий хоссалари 
оксидланишига ёки турли моддалар: ҳаводаги кислород, кислота ҳамда ишқор эритмалари 
ва бошқалар билан бирикишига қарши тура олиш хусусиятига қараб характерланади. 
Металл бошқа элементлар билан қанча осон бирикишга киришса, у шунча тез ейилади. 
Металларнинг ташқи агрессив муҳит таъсиридан химиявий емирилишига коррозияланиш 
дейилади. 

---

Механик хоссалари. Металларнинг ташқи кучлар таъсирига қаршилик хусусияти 
унинг механик хоссалари билн характерланади. Шунинг учун ҳам машина деталларни 
тайёрлаш учун материал танлашда аввало унинг механик хоссаларига, яъни 
мустаҳкамламлиги, эластиклиги, пластиклиги, зарбий қовушқоқлиги, қаттиқлиги ва 
чидамлигига эътибор бериш керак. Бу хоссалар металлга ташқи куч (нагрузка) таъсир 
эттириб, механик синовлар натижаларига қараб белгиланади. Ташқи кучлар статик, 
динамик ёки циклик (такрор ўзгарувчан) бўлиши мумкин. 
Ташқи куч таъсиридаги қаттиқ жисмда кучланиш ва деформация пайдо бўлади. 
Кучланиш – синалаётган намуна кўндаланг кесим юзининг юза бирлигига тўғри 
келадиган нагрузка катталигидир. Деформация қаттиқ жисмнинг ташқи кучлар тасиридан 
ўз шакли ва ўлчамларини ўзгартиришидир. Чўзилиш (сиқилиш), эгилиш, буралиш, 
қирқилишда деформацияга учраши мумкин.