«pedagogika» kafedrasi fani bo’yicha O’quv-uslubiy majmua tuzuvchilar

Фаннинг ўқув режадаги бошқа фанлар билан ўзаро
боғлиқлиги ва услубий жиҳатдан узвий кетма-кетлиги

“Педагогика назарияси ва тарихи” фани ўқув режада 2 курснинг 3-4-семестрларида ҳар бири мустақил фан сифатида ўқитилади.

Мазкур фан – Фалсафа тарихи ва назарияси, Ғоялар фалсафаси, Аксиология, Умумий психология, Ёш ва педагогик психология, Ёш психологияси ва гигиенаси, Ўзбекистон тарихи, Жаҳон халқлар тарихи, Ўзбек адабиёти, Миллий ғоя ва маънавият асослари, Маънавиятшунослик, Жаҳон динлар тарихи, Информатика ва ахборот технологиялари, Этика, Эстетика, Маданиятшунослик ва ўқитиш методикаси каби фанлар билан узвий алоқада ўрганилади.

Фаннинг таълим соҳасидаги ўрни

Ҳар бир жамиятнинг тараққиёти ва истиқболи таълим тизимининг жадал ривожланиши, ижтимоий ҳаёт, ишлаб чиқариш билан ўзаро мувофиқ келиши, жаҳон таълимининг энг юқори натижаларига тенглаша олиши, давр талабларига жавоб бериши ва мавжуд субъектив эҳтиёжларни қай даражада қондира олишига бевосита боғлиқ. Таълим тизимида рўй бераётган туб ўзгаришлар, ўқитиш мазмунининг тобора янги ғоя ва қарашлар билан бойиб бораётганлиги, ёш авлод интеллектуал салоҳиятини оширишга хизмат қилувчи янги технологияларнинг яратилаётганлиги, таълим олувчиларда юксак маънавий-ахлоқий сифатларни шакллантириш, уларни “оммавий маданият” таъсирида ҳимоялаш заруриятининг юзага келаётганлиги “Педагогика назарияси ва тарихи” фани имкониятларидан самарали фойдаланиш натижаларига ҳам боғлиқ. Шунга кўра ушбу фан асосий ихтисослик фанларидан бири бўлиб, малакали педагог кадрлар тайёрлаш тизимининг муҳим бўғини ҳисобланади.


Фанни ўқитишда замонавий ахборот ва педагогик технологиялар
Талабалар томонидан “Педагогика назарияси ва тарихи” фанининг пухта ўзлаштирилиши учун замонавий таълим турлари, педагогик технологиялар, жаҳон таълимининг энг илғор ютуқларидан изчил фойдаланиш муҳим аҳамиятга эга. Фан асосларини ўзлаштиришда ўқув дарсликлари, ўқув ва методик қўлланмалар, маъруза матнлари, тарқатма ва электрон материаллар, педагогик, психологик ва тегишли мутахассисликларга доир энциклопедиялар, луғатлар, ўқитишнинг техник воситалари, замонавий ахборот технологиялари кабилардан ўринли фойдаланилади. Маъруза, семинар, лаборатория машғулотларининг илғор педагогик ва ахборот технологиялари ёрдамида ташкил этилиши таъминланади.
Фанни ўқитиш жараёнида шахсга йўналтирилган таълим турлари (дастурий, модул, инновацион, интерфаол, муаммоли, ривожлантирувчи, масофавий ва мустақил таълим, ўйин технологиялари), ўқитишнинг самарали шакллари, замонавий методлари, воситалари, педагогик ва ахборот технологияларини мунтазам қўллаш назарда тутилган. “Педагогика назарияси ва тарихи” фанини ўқитишда қуйидаги интерфаол методларни қўллаш таълим жараёнининг муваффақиятини таъминлайди: “Бумеранг”, “Балиқ склети”, “Нилуфар гули”, “Ақлий ҳужум”, “Кластер”, “Кейс”, “Чархпалак”, “Қарорлар шажараси”, “Венн диаграммаси”, “Қандай?”, “Нима учун?” ва ҳоказо.