«pedagogika» kafedrasi fani bo’yicha O’quv-uslubiy majmua tuzuvchilar

Ўқув фанининг мақсади ва вазифалари
Фаннинг мақсади – бўлажак мутахассис сифатида талабаларни замонавий педагогика фанининг назарий-методологик асослари билан қуроллантириш, педагогик фаолият мазмуни, таълим ва тарбия жараёнини самарали ташкил этиш йўллари, илғор педагогик технологиялар билан яқиндан таништириш орқали уларда педагогик тафаккурни, ижобий фикрлаш қобилиятини, таълим олувчилар билан муваффақиятли ишлашга доир зарур малакаларни, вазиятни тўғри баҳолаш, оқилона қарорларни қабул қилиш, ижтимоий ёрдамга муҳтож ўқувчиларга билим бериш, уларни мақсадга мувофиқ тарбиялаш кўникмаларини шакллантириш, миллий педагогик мерос ғояларини, Шарқ мутафаккирларининг таълим-тарбияга оид қарашларини таълим муассасалари амалиётига мақсадли татбиқ этиш тажрибасини ҳосил қилишдан иборат.
Фаннинг вазифаси:
– талабаларда дидактика, тарбия назарияси, таълим менежменти ва педагогик фикрлар тарихий тараққиётининг моҳиятини ёритувчи назарий билимларни ҳосил қилиш;
- талабаларнинг комил инсон, етук мутахассисни тарбиялаб вояга етказишга оид давлат сиёсатининг мазмуни, устувор тамойиллари, миллий ва жаҳон педагогикасининг энг илғор ғоялари, ёш авлод таълим-тарбиясини самарали ташкил этишга оид қадриятлар, замонавий педагогик ёндашувлар, илғор технологиялардан хабардор бўлишлари учун қулай муҳитни яратиш;
- бўлажак мутахассисларда дидактик ва шахс тарбиясини ташкил этиш масалаларини ўзида акс эттирувчи манбаларда илгари сурилган ғоялар, Шарқ мутафаккирлари (Муҳаммад ал-Хоразмий, Абу Райҳон Беруний, Абу Наср Форобий, Абу Али ибн Сино, Алишер Навоий, Абдулла Авлоний, жадидизм ҳаракатининг етакчи вакиллари) ва Ғарб маърифатпарварлари (Ян Амос Коменский, Константин Ушинский) қарашларини таҳлилий ўрганиш асосида таълим муассасаси амалиётига самарали татбиқ этиш кўникмаларини шакллантириш;
- талабалар томонидан таълим муассасалари фаолиятларини бошқариш, уларга раҳбарлик қилишнинг замонавий усуллари, ижтимоий ёрдамга муҳтож шахсларга таълим бериш, уларни шахс сифатида ривожлантириш борасидаги халқаро тажрибаларнинг ўрганилишини, улардан касбий фаолиятда ўринли, самарали фойдаланиш малакалари пухта ўзлаштирилишини таъминлаш;
- бўлажак ўқитувчиларни замонавий педагогик муаммоларни ҳал қилиш, таълим ва тарбия жараёнини муваффақиятли ташкил этишда илмий, техник ва технологик ютуқларни қўллай олишга тайёрлаш.