“Педагогика” фанини ўқитиш бўйича ўқув-услубий мажмуа

Педагогик вазифалар: 1. Талабаларнинг маънавий-ахлоқий тарбиянинг умумий моҳияти борасидаги билимларини баҳолайди. 2. Талабаларда нафосат тарбиясини ташкил этишга оид билим ва кўникмаларнинг шаклланганлигини ўрганади. 3. Талабалар томонидан эстетик ва жисмоний тарбиянинг моҳиятига оид билим, кўникма ва малакаларнинг ўзлаштирилганлигини таҳлил қилади. 4. Талабаларда оила тарбиясини ташкил этиш кўникмасининг шаклланганлигини баҳолайди. 5. Тест сўровини ташкил этади
Ўқув фаолияти натижалари: 1) маънавий-ахлоқий тарбиянинг умумий моҳияти борасидаги билимларини намойиш этадилар; 2) нафосат тарбиясини ташкил этишга оид билим ва кўникмаларига эгаликларини кўрсатиб берадилар; 3) жисмоний тарбиянинг моҳиятига оид билим, кўникма ва малакаларга эгаликларини намойиш қиладилар; 4) оила тарбиясини ташкил этиш кўникмасига эгаликларини кўрсатадилар; 5) мавжуд билимларини намойиш этадилар
3-босқич. Якуний қисм (10 дақиқа)	1. Талабаларнинг иштирокларини таҳлил қилади ва баҳолайди. 2. Машғулот мақсадига қай даражада эришилганликни хулосалайди. 3. Талабаларнинг машғулот юзасидан фикрлари билан танишади. 4. Навбатдаги семинар машғулоти мавзусини эълон қилади, талабаларга мустақил ишлаш учун топшириқ беради, уларни топшириқни баҳолашга оид мезонлари билан таништиради	1. Машғулотдаги иштироклари даражасидан хабардор бўладилар. 2. Машғулот мақсадига эришишдаги шахсий иштирокларини баҳолайдилар.. 3. Машғулотнинг ташкил этилиши юзасидан фикр билдирадилар.. 4. Навбатдаги семинар мавзусидан хабардор бўладилар ва ўқитувчи томонидан берилган топшириқни ёзиб оладилар

Машғулотда қўлланиладиган метод ва технологиялар моҳияти


1. “Юмалоқланган қор” методи мавзуни муайян қисмларга бўлган ҳолда ўзлаштириш имконини беради ҳамда талабаларда гуруҳ ва жуфтликда ишлаш кўникмаларини шакллантиришга хизмат қилади. Методни қўллаш жараёнида талабалар жуфтлик, гуруҳ ёки жамоа бўлиб ишлари мумкин.
Ушбу методни қўллаш қуйидаги тартибда амалга оширилади: 1) ўрганиладиган мавзу ёки мавзу юзасидан маълум масала танланади; 2) талабаларга танланган масала ва методни қўллаш қоидалари тушунтирилади; 3) талабалар кичик гуруҳларга бириктириладилар (имкон қадар гуруҳларнинг сони жуфт рақамларни ташкил этиши лозим); 4) бажариш учун ҳар бир гуруҳга биттадан топшириқ берилади; 5) гуруҳлар топшириқни бажарадилар; 6) гуруҳлар топшириқни бажариб бўлишгач, тартиб рақамларига кўра икки гуруҳ ўзаро бирлашади (яъни 1- ва 2-гуруҳ; 3- ва 4-гуруҳ); 7) янгидан шаклланган гуруҳларда кичик гуруҳларда бажарилган топшириқлар ўрганилади; 8) сўнгра барча гуруҳлар ягона жамоа бўлиб бирлашадилар ва катта гуруҳларда ўрганилган масалалар муҳокама қилинади; 8) топшириқлар юзасидан умумий хулосага келинади.
“Юмалоқланган қор ўйини” методидан муайян бўлим ёки боблар бўйича ўзлаштирилган назарий ва амалий билимларни мустаҳкамлаш мақсадида фойдаланиш ниҳоятда қулай.