Pedagogika 015, 2-son Muassis: Nizomiy

PEDAGOGIKA
2015, 2-son
 
 
123 
Albatta, Usmonali Nishonaliyevdek o‘zining halol va sermashaqqat 
mehnati bilan pedagogika ilmiga munosib hissa qo‘sha olgan iqtidorli 
olimlarning sharafli nomlari hech qachon unutilmaydi.
Sharipov Sh.S. 
 
 
MAHORATLI RAHBAR 
Nizomiy nomidagi Toshkent davlat pedagogika 
instituti (universiteti) boshqaruv hayotida yorqin iz 
qoldirgan shaxslardan biri fizika-matematika fanlari 
nomzodi, dotsent Muhammadjon aka Saydamatovdir. 
Muhammadjon Saydamatov 1931-yil 17-dekabrda 
O‘sh viloyatida tavallud topgan. 1951-1955-yillarda O‘sh 
davlat 
pedagogika 
institutining 
fizika-matematika 
fakultetida tahsil olgan. O‘qishni imtiyozli diplom bilan 
yakunlagan yosh mutaxassis Muhammadjon Saydamatov 
o‘zining mehnat faoliyatini ushbu institutning “Matematika” kafedrasida 
o‘qituvchi lavozimida boshlagan. 1957-yildan boshlab uning butun ongli hayoti 
Nizomiy nomidagi TDPIda o‘tdi. Shu yili u TDPI aspiranturasiga o‘qishga kirdi. 
U ustozlari tavsiyasi bilan O‘zFAning muxbir a’zosi, fizika-matematika fanlari 
doktori, professor N.S. Arjanix ilmiy rahbarligida xususiy hosilali differensial 
tenglamalar sistemasini integrallash masalalari bo‘yicha ilmiy tadqiqot ishlari 
olib bordi.
Muhammadjon Saydamatovning TDPIdagi pedagogik faoliyati 1960-yilda 
“Matematik analiz” kafedrasi o‘qituvchisi sifatida boshlandi. Asosiy ishi bilan 
birga, 
taniqli 
matematik 
olimlar 
akademiklar 
T.N. 
Qori 
Niyoziy,
T.A. Sarimsoqov, professorlar I.S. Arjanix, N.N. Nazarov, kafedraning yetakchi 
professor-o‘qituvchilari 
dotsentlar 
Sh.T. 
Maqsudov, 
P.P. 
Loginov,
G.M. Jdanovlarning dars berish metodlarini sinchkovlik bilan kuzatdi va ulardan 
pedagogik mahorat sirlarini o‘rgandi, “Matematik analiz” kafedrasidagi jo‘shqin 
ilmiy-pedagogik muhit, kafedra a’zolarining o‘zaro samimiy munosabatlari, yosh 
o‘qituvchilarga ko‘rsatilayotgan beg‘araz yordam Muhammadjon Saydamatovni 
zamonaviy matematikaning eng so‘nggi yutuqlari bilan tanishish va uning 
dolzarb muammolari doirasiga kirib borishiga, pedagogik faoliyatining sayqal 
topishiga olib keldi.
1961-1962-yillar Muhammadjon Saydamatov uchun ilmiy sohada eng 
sermahsul yillar bo‘ldi. Uning Pfaff tenglamalar sistemasini integrallash 

---