Pedagogika 015, 2-son Muassis: Nizomiy

PEDAGOGIKA
2015, 2-son
 
 
126 
Ilmiy-metodik kengash ta’limning texnik vositalarini o‘quv jarayonida 
qo‘llash masalasiga ham alohida e’tibor qaratdi. 1973-yilda institutda 
Muhammadjon Saydamatov tashabbusi bilan respublikamizda birinchilardan 
bo‘lib “Ta’limning texnik vositalari” (TTV) kafedrasi tashkil qilindi. Qisqa 
muddat ichida institutning barcha akademik guruhlarida “Ta’limning texnik 
vositalari” kursini davr talablari darajasida o‘qitish yo‘lga qo‘yildi. Ushbu kurs 
uchun zarur bo‘lgan o‘quv-uslubiy adabiyotlar yaratildi, o‘quv laboratoriyalari 
majmuasi ishga tushirildi. Shuningdek, 1982-yilda yana Muhammadjon 
Saydamatovning 
tashabbusi 
bilan 
o‘quv-teleko‘rsatuvlar studiyasi va 
laboratoriyasi tashkil etildi.
O‘tgan asrning 80-yillarida respublikamizda yoshlarning, ayniqsa maktab 
o‘quvchilarining kompyuter savodxonligiga e’tibor kuchaydi. Bu pedagogika 
institutlari zimmasiga katta va o‘ta mas’uliyatli vazifani, ya’ni maktablar uchun 
EHM va dasturlash asoslarini o‘qitadigan mutaxassislar yetkazib berish 
vazifasini qo‘ydi. Shu maqsadda “Matematik aniliz” kafedrasi qoshida EHM 
laboratoriyalari majmuasi va EHM bilan jihozlangan maxsus auditoriyalar – 
EHM sinflari tashkil qilindi.
Muhammadjon Saydamatovning rahbarligida institutdagi 31 ta ixtisoslik 
bo‘yicha mutaxassislikning malakaviy tavsifnomasi ishlab chiqildi. Bu 
tavsifnomalarda har bir mutaxassislikning o‘ziga xos bo‘lgan ichki mazmuni, uni 
tayyorlashdan ko‘zlangan maqsad va ushbu ixtisoslik bo‘yicha tayyorlanadigan 
mutaxassislarning xalq ta’limini yanada rivojlantirishdagi vazifalari o‘zining 
to‘liq aksini topgan edi.
Institut ilmiy-metodik kengashi zamonaviy darslik va o‘quv qo‘llanmalari 
bilan ta’minlashga alohida e’tibor bergan. Buni 1975-1985-yillarda ilmiy-
metodik kengashning tavsiyasi bilan institut professor-o‘qituvchilari tomonidan 
yaratilgan 221 ta darslik va o‘quv qo‘llanmalarning nashr qilinganida ham 
ko‘rish mumkin. 
Muhammadjon Saydamatov 1970-1987-yillarda Xalq ta’limi vazirligi 
huzuridagi matematika fanlari bo‘yicha o‘quv-uslubiy kengash raisining muovini 
sifatida kengash raisi, taniqli matematik olim va jamoat arbobi S.H. Sirojiddinov 
bilan hamkorlikda vazirlik tasarrufidagi umumta’lim maktablari va pedagogika 
ta’lim muassasalari o‘quvchilarini hamda pedagogika institutlari talabalarini 
darsliklar, o‘quv qo‘llanmalari va uslubiy ko‘rsatmalar bilan ta’minlashda ko‘p 
foydali ishlarni amalga oshirdi. 
Muhammadjon Saydamatovning tashabbusi va rahbarligida viloyat 
pedagogika institutlarida o‘quv-uslubiy kengashning kengaytirilgan tarkibdagi 

---