Pedagogika 015, 2-son Muassis: Nizomiy

PEDAGOGIKA
2015, 2-son
 
 
124 
metodlariga bag‘ishlangan ikkita ilmiy maqolasi o‘sha davrdagi eng nufuzli 
ilmiy nashrlar O‘zFADda, uchta ilmiy maqolasi O‘zFAAda chop qilindi. Ushbu 
ilmiy maqolalarda taniqli matematik olimlar Y.E. Borovskiy, D. Petrovanu va 
I.S. Arjanix tomonidan ishlab chiqilgan Pfaff tenglamalar sistemasini 
integrallashning mavjud metodlari takomillashtirilgan va yangilari yaratilgan edi. 
Ushbu ilmiy maqolalar atrofida vujudga kelgan ilmiy-ijodiy iliq fikrlar 1963-
yilda Muhammadjon Saydamatovning O‘zFA fizika-matematika fanlari 
bo‘limining birlashgan ilmiy kengashida “Pfaff integrallashtirgan tenglamalar 
nazariyasiga doir” mavzusidagi nomzodlik dissertatsiyasi himoyasining katta 
muvaffaqiyatlar bilan o‘tishida asosiy omillardan biri bo‘ldi. 
1963-yil sentabr oyida TDPI rektori Sh.Sh. Abdullayevning tavsiyasi bilan 
fizika-matematika fanlari nomzodi Muhammadjon Saydamatov yakdillik bilan 
fakultet dekani lavozimiga saylandi. U dekanlik faoliyatining dastlabki 
davridayoq fakultet professor-o‘qituvchilarining ilmiy-pedagogik salohiyatini 
ko‘tarish orqali ta’lim-tarbiya jarayonining samaradorligini oshirishga alohida 
e’tibor qaratdi. Qisqa muddatda fakultet tasarrufidagi kafedralarning ToshDU, 
SamDU, O‘zFAning Matematika instituti, viloyat pedagogika institutlarining 
turdosh kafedralari bilan mavjud bo‘lgan o‘zaro hamkorlik aloqalarini yanada 
mustahkamlash bo‘yicha ko‘pgina ijobiy ishlar amalga oshirildi. 
Muhammadjon Saydamatov “Matematik analiz” kafedrasining mudiri
P.P. Loginov bilan hamkorlikda Yevropaning yetakchi oliy ta’lim muassasalari – 
M. Lomonosov nomidagi MDU, T. Shevchenko nomidagi KDU, Sankt-
Peterburg DU, Kishinyov DU bilan ilmiy hamkorik aloqalarini o‘rnatdi. Turli 
davrlarda Kiev DU “Oliy geometriya” kafedrasining mudiri professor 
Kovantsov, Moskva DU professorlari P.E. Elsgolts, Y.M. Smirnov,
V.I. Ponomoryov talabalar va professor-o‘qituvchilar uchun matematikaning eng 
so‘nggi yutuqlari bo‘yicha maxsus kurslar o‘qidi. 
“Matematika” kafedrasidagi iqtidorli yosh o‘qituvchilarni yuqoridagi oliy 
ta’lim muassasalari aspiranturasi va doktoranturasiga safarbar qildi. 
O‘tgan asrning 70-yillarida fizika-matematika fakulteti professor-
o‘qituvchilari jamoasi o‘zining ilmiy-pedagogik salohiyati bo‘yicha 
respublikamizdagi oliy o‘quv yurtlarining turdosh fakultetlari orasida Toshkent 
va Samarqand universitetlaridan keyingi uchinchi marrani, pedagogika 
institutlari orasida esa, haqli ravishda, yetakchi fakultet mavqeini egalladi. 
Muhammadjon Saydamatov “Matematik analiz” kafedrasi va dekanatdagi 
ko‘p qirrali faoliyat bilan qanchalik band bo‘lmasin qaramasdan ilmiy 
izlanishlardan to‘xtamadi. Professor I.S. Arjanixning Matematika institutidagi 

---