Pedagogika 015, 2-son Muassis: Nizomiy

PEDAGOGIKA
2015, 2-son
 
 
127 
ko‘chma yig‘ilishlari o‘tkazilgan. Bu yig‘ilishlarda nashrdan chiqqan yangi 
darslik va o‘quv qo‘llanmalarning taqdimotlari, mualliflar bilan uchrashuvlar, 
yetakchi matematika o‘qituvchilarining tajribalari haqida o‘zaro fikr 
almashuvlari uyushtirilgan.
1970-1990-yillarda ustoz Muhammadjon Saydamatov nafaqat pedagogika 
institutlarida, balki Xalq ta’limi va Oliy va o‘rta maxsus ta’lim vazirliklarida, 
ularning tasarrufidagi ta’lim muassalarida o‘quv jarayonini tashkil etish va 
boshqarish 
bo‘yicha respublikadagi 
eng 
tajribali 
va 
tashabbuskor 
mutaxassislardan biri sifatida e’tirof etilgan. 
Ushbu vazirliklar va boshqa yuqori tashkilotlar tomonidan mutaxassis 
kadrlar tayyorlash bilan bog‘liq bo‘lgan ko‘plab me’yoriy hujjatlar yaratish va 
ularni amaliyotga joriy qilish bo‘yicha yo‘riqnomalar ishlab chiqish ishlariga jalb 
qilingan. 
Ustoz qayerda va qanday lavozimda ishlamasin o‘zi uchun qadrdon 
bo‘lgan “Matematik analiz” kafedrasidan, uning ma’ruzalarini eshitishga 
havasmand bo‘lgan talabalar va yosh o‘qituvchilar bilan doimo gavjum 
bo‘ladigan auditoriyalardan uzoqlashmadi. Auditoriya muhiti, talabalar bilan 
bo‘ladigan qiziqarli, samimiy muloqotlar ustozga huzur, rohat bag‘ishlar edi. 
Auditoriyadagi to‘qson minutlik ma’ruzadan chiqib kelayotgan ustozda 
horg‘inlik, zaiflik alomatlari emas, balki muborak yuzlarida qilgan ishidan to‘la 
qoniqish hosil qilgan kishilarda paydo bo‘ladigan zo‘r kayfiyat, ruhan yengillik, 
mamnunlik, kimlardandir minnatdorlik tuyg‘ulari porlab turardi. Ustoz chuqur va 
keng qamrovli bilim sohibi, mohir pedagog, o‘qituvchilik kasbining haqiqiy 
jonkuyari va fidoyisi edi. 
Muhammadjon Saydamatovning oramizdan ketganiga 20 yil bo‘lyapti. 
Lekin suyukli va qadrdon ustozimizning yorqin xotirasi hayotga, o‘qituvchilik 
kasbiga yo‘llanma olgan minglab shogirdlarining qalbida yashab kelmoqda.