Pedagogika 015, 2-son Muassis: Nizomiy

 
 

---

PEDAGOGIKA
2015, 2-son
 
 
118 
 
PEDAGOGIKA ILMINING JONKUYARI 
Hayotini 
O‘zbekistonda 
pedagogika 
ilmini 
yuksaltirishga bag‘ishlab, pedagogik kadrlar tayyorlash 
va ularning kasbiy salohiyatini o‘stirish maqsadida ham 
universitet auditoriyasida, ham pedagogik tadqiqot 
jabhasida birdek fidokorlik bilan mehnat qilgan, ta’lim-
tarbiya sohasini rivojlantirishga salmoqli hissa qo‘shgan 
atoqli olimlardan marhum ustoz, pedagogika fanlari 
doktori, professor Usmonali Nishonaliyevning pok 
xotirasini pedagogik jamoatchilik alohida ehtirom bilan 
yodga oladi. Zero, o‘ziga xos zalvorga ega bo‘lgan pedagogika fani solnomasida 
olimning ilmiy-pedagogik yondashuvlari, pedagogika fanini modernizatsiyalash 
va rivojlantirishga qaratilgan konsepsiyasi aksariyat ilm ahlining e’tibori va 
e’tirofiga sazovor bo‘lgan. Olim ishlab chiqqan pedagogning, xususan, mehnat 
o‘qituvchisining 
kasbiy 
professiogrammasi, 
o‘qituvchilarni 
tayyorlash 
texnologiyasi hozirgi kunda ham kasbiy ta’lim bo‘yicha amalga oshirilayotgan 
barcha tadqiqot ishlariga konseptual asos, g‘oyaviy negiz bo‘lib xizmat 
qilmoqda. Zero, olim tomonidan yaratilgan darslik, qo‘llanma va 
monografiyalarda o‘rta, o‘rta maxsus va oliy ta’lim didaktikasi, umumiy o‘rta 
ta’lim mazmunini takomillashtirish, ta’limning metod, usul va vositalarini 
rivojlantirish, ta’lim jarayonining tayanch bilimlarini aniqlash, ta’lim mazmunini 
modernizatsiyalash, o‘quv-bilish jarayonini tashkil etish kabi ko‘plab 
muammolar yuzasidan salmoqli g‘oyalarni ilgari surib, O‘zbekistonda didaktika 
fanini rivojlantirishga katta ulush qo‘shgan. Oliy ta’lim muassasasi 
auditoriyasidan turib, bo‘lajak pedagoglarga pedagogika fani muammolarini 
anglatgan, ularni o‘z amaliy faoliyatida sifatli ta’limni tashkil etish, o‘qituvchilik 
mahoratini egallash va rivojlantirish uchun izlanish va ijod qilishga, pedagogik 
bilimlarni chuqur egallashga undagan, oqilona, maroqli ma’ruzalari, ilmiy 
saboqlari bilan talabalar qalbidan joy ola bilgan olimning shogirdlari ham hozirgi 
kunda ustoz izidan borib, fanni rivojlantirishga munosib hissa qo‘shishmoqda.
Usmonali Nishonaliyev 1943-yilning 30-iyunida Toshkent viloyati, 
Yangiyo‘l tumani, Niyozboshi qishlog‘ida oddiy dehqon oilasida tavallud 
topgan. 1949-1959-yillarda Toshkent viloyati Yangiyo‘l shahridagi Alisher 
Navoiy nomidagi 4-maktabda tahsil olgan Usmonali aka esdaliklaridan birida 
matematika fani o‘qituvchisi Aliyeva Sofya Samatovnaning nomini alohida 
hurmat bilan esga olgan. Ustozining bola qalbiga yo‘l topa olishi, jonkuyarligi,