Ilk qadam
ILTIJO
Yaratganim kechir, yo Olloh,
Bilib-bilmay qildim men gunoh.
G‘iybat qildim, yolg‘on so‘zladim,
Kimligimni unutdim nogoh.
Qo‘llarimga olmadim Qur’on,
Keltirmadim kalima, iymon.
Oxiratga bo‘m-bo‘shdir hamyon,
Haq oldida ahvolim yomon.
Chora izlab har yon yelaman,
Men bunchalar yomon bolaman.
Taqvo qilib bugundan men ham,
E’tiqodi butun bo‘laman.
Sajda qilay, olayin bilim,
Yuvay qilgan gunohlarimni,
Tavba qildim kechirgin Robbim,
Qabul qilingan bu ohlarimni.
Jonim olib qo‘yma bexosdan,
Farzlarimni ado etmasdan,
Huzuringga bora olmayman,
Ota-onam rozi qilmasdan.
18
Ilk qadam
Nida Muhammed (Xusnidaxon Muham-
madjonova) 2000-yil Farg‘ona viloyatida ta-
vallud topgan. Ko‘plab tanlovlar g‘olibasi va
loyihalar ishtirokchisi. Hozirda Kipr Respub-
likasidagi Final International University tala-
basi.
JANNATI ZAMIN
Butun dunyo ulug‘laydigan,
Ajdodlari buyugim o‘zing.
“Bolam, bolam” –deb yashaydigan,
Mehnat nomin suyguvchi o‘zing.
Buyuk Temur, Navoiy nasli,
Madaniyat uyi o‘zingsan.
Ohunjonlar torini chertgan,
San’atkorlar kuyi o‘zingsan.
Bolajonlar kulgularida,
Buvijonim kalomida sen.
Tong quyoshin uyg‘otadigan,
Kelinlarning salomida sen.
O‘zing onam, o‘zing chin do‘stim,
Seni deya urar yuragim.
Zamindagi yagona jannat,
Tanho diyor – mening Vatanim!
* * *
O‘n ikkinchi oyning o‘n ikki kuni,
Mendan xafa eding arazlaganding.
O‘n ikki yulduzlar porlagan osmon
Sendan xafa, deding arazchi eding.
19
Ilk qadam
O‘n ikki yoshimda senga bog‘landim,
Nega kelmay qo‘yding sog‘inib ketdim.
Birga katta bo‘lib uylg‘aygan edik,
Sensiz yo‘qligimni tushunib yetdim.
Kechirgin, kechirgin, kechira qolgin,
Kechirim so‘radim o‘n ikki marta.
Bugun o‘n birinchi mayli roziman
Ertaga kechir – o‘n ikkinchi martda.
Ey, nozik didligim, parijonginam,
To‘g‘ri senga har kim har qachon yoqmas.
Arazlasang mayli, arz qilsang mayli,
O‘n ikkinchi qovurg‘a kabi
Meni yetim qoldirmasang bas!
QAYTISH
Ko‘k yuzin tark etar qora pardasi,
Zaminni yorug‘lik – tong qoplar asta.
Men esa yo‘l oldim ona qishloqqa
Ketma, qol, deyapti yuragim osti.
Men na qilay, ketish kerak ketish...
Ichimdagi hislarimni qaydan bilay?
Erka qizin kutayapti Farg‘onajon,
Ayting axir nima qilay, nima qilay?!
Siz qolasiz, men ketaman huuv uzoqqa,
Bu qonunga ko‘ning axir jon og‘ajon.
Yo‘lga chiqib ketayapman mana hozir
Axir meni intiq kutar Farg‘onajon.
20
Do'stlaringiz bilan baham: |