«turon-iqbol»

Ilk qadam
* * *
Ko‘zlarimni beg‘ubor derding
Qulog‘imga yoqardi bu sas.
Xilvatimni yoritgan nursan,
Endi qonim beishq aylanmas.
Bilsayding hislarim tarkibi –
Tongi shudring tushgan havodek.
Sog‘inch sahrosida kutyapman
Atoga intizor Havvodek.
Ruhimni tark etmas xayoling
Ko‘zlarim nigohing izlaydi.
Barmog‘ingga tekkan shabada
Zulfimni erkalab silaydi.
Ko‘zlarimni porloq der eding
Va o‘ziga chorlaganini.
Bilmaysan-ki shu ko‘zlar
Seni
Ko‘rgani-chun porlaganini!
* * *
Uyqusizlik bilan bezangan kecha, 
Sokin tun kuyini chalar erinmay. 
Qo‘limda bir parcha qog‘oz g‘ijimi, 
Maktubim tugaydi hali yozilmay. 
G‘urur – qora ot...
Izhorim tugamas, xo‘rsinar oy ham. 
Sevgi – oq tulpor!
Xayolchan bu ko‘nglim ishi ishq o‘yi.
O‘ylarim barchasi chalkashar –
Go‘dakning bosgan ilk qadami kabi.

---

21
Ilk qadam
Vujudim parchasi yo‘qolgan,
Yomg‘irdan berkingan quyoshi kabi.
Nomamni yozaman oxiri yo‘qdek. 
Izhorlar tugamas! Yozaveraman, 
Yozganlarim esa og‘iroyoqdek...
Uyqusizlik bilan bezangan kecha,
Sokin tun o‘z kuyin chalar erinmay.
Qo‘lda qog‘oz g‘ijimi, men esa
SENI sog‘inaman sira erinmay!... 
KATTA YO‘L…
Katta yo‘l. Katta ko‘cha,
Shovqinli kun. Sershovqin tun.
Zulmat-la yorug‘lik almashgan kecha,
Ishqsiz qalblar qarini qoplagan tutun.
Shum taqdir. Shu tahqir “Hayot o‘yni”da,
Ruhimni maydalab... Maydalab so‘ydim.
Bu hissiz shaharning ulkan qo‘ynida,
Ishq to‘la ko‘nglimni yo‘qotib qo‘ydim,
Ko‘ngil to‘la ishqni yo‘qotib qo‘ydim.
* * *
Uzun kunlar. Uzun tunlar.
Oxiri yo‘q uzun yo‘llar.
Olis shahar olib ketgan,
Va bag‘rida qolib ketgan,
Hislarimni uzaytadi uzun yillar.
Ismin aytib...Qaytib-qaytib, 
Vujudimni turtkilaydi qizil tulpor.
Kiprigimning ostidagi suratiga, 
Siyratini baxsh etgandir Parvardigor. 

---

22
Ilk qadam
Keragimning yuragini toshdek qilgan, 
Toshbag‘irlik hislaringni qaytarib ol! 
Ovunchimni o‘g‘irlagan – olis Toshkent!
Borayapman, meni qarshi ol!...