Халқ таълими ходимлари асосий лавозимларининг малака тавсифлари

41-§. “Баркамол авлод” болалар маркази маданий-оммавий
тадбирлар ташкилотчиси лавозимининг
малака тавсифлари 
 
Тартиб рақами 
1534 
Машғулотларнинг миллий стандарт 
классификатори бўйича коди 
3340 
Ходимлар тоифаси 
Мутахассис 
133. Лавозим вазифалари: 
а) маданий-оммавий тадбирлар (кўрик-танловлар, оммавий ва кўнгилочар ўйинлар, 
дам олиш кечалари, турли муҳим саналарга бағишланган театрлаштирилган байрамлар, 
мусобақалар, томошалар ва бошқа тадбирлар)ни ташкил этиш; 
б) ўқувчи-ѐшларнинг қизиқишларини инобатга олган ҳолда иш шакли ва усулини 
танлаш, турли тадбирларни ўтказиш дастур ва сценарийларини ишлаб чиқиш ҳамда уларни 
амалга ошириш; 
в) ўқувчиларнинг қизиқишларига кўра клублар, уюшмаларни ташкил этишда иштирок 
этиб, уларни ижодий фаолиятга жалб этиш, маданий-оммавий ишларни ташкил этиш 
шаклларини такомиллаштириш бўйича семинарлар ўтказиш; 
г) маданий-оммавий ишлар, ўйинларни, чиқишлар ва бадиий ҳаваскорлик кўрикларига 
режиссѐрлик қилиш ва ўтказиш; 
д) ўқувчиларнинг таътил кунлари, бўш вақти ва дам олишларини самарали ўтказишни 
ташкил қилиш мақсадида экскурсиялар уюштириш; 
е) ўқувчиларни ватанга муҳаббат, миллий анъаналар ва халқимизнинг урф-одатларига, 
буюк олимлар, санъат, маданият ва спорт усталарига ҳурмат, содиқлик ва фахрланиш 
туйғусида тарбиялаш; 
ж) марказ тарбиявий ишлари режасига мувофиқ тўгарак раҳбарлари ва бошқа педагог 
ходимлар билан биргаликда ғоявий-тарбиявий ишларни, спорт-оммавий ва маданий 
тадбирларни ўтказишда иштирок этиш; 
з) маданий-оммавий, тарбиявий тадбирларни ўтказиш бўйича услубий материалларни 
ишлаб чиқиш, тадбирларга мос адабий ва мусиқа репертуарини танлаш, саҳна кўринишига 
жиҳозларни тайѐрлаш; 
и) методик кенгаш ишларида, соғломлаштириш, тарбиявий ва ўқув дастурида назарда 
тутилган бошқа тадбирларни ўтказиш ишларида иштирок этиш; 

---

58 
к) таълим муассасалари, тегишли манфаатдор ташкилот, идоралар билан ҳамкорликда 
шахсни камол топтиришга қаратилган ўқув-тарбиявий йўналишдаги турли тадбирларни 
ташкил қилиш; 
л) ўзининг назарий билим даражасини, педагогик маҳорати ва касб малакасини 
узлуксиз равишда ошириб бориш ва ўз устида мунтазам ишлаш; 
м) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидалари талабларига риоя қилиш. 
134. Билиши лозим: 
а) мактабдан ташқари таълимга оид ва болалар ҳуқуқларини муҳофаза қилиш 
соҳасидаги норматив-ҳуқуқий ҳужжатларни; 
б) мактабдан ташқари таълимга қўйилган давлат талабларининг мазмунини, тўгарак 
дастурларини ва касбга йўналтириш ишининг ташкилий-педагогик асосларини, ѐзги таътил 
пайтида ишлашни ташкил қилиш шакллари ва методларини; 
в) классик ва замонавий саҳна, ташкилий ва режиссѐрлик фаолияти асосларини, 
таълим муассасаларида маданий ташкилотчилик ишининг илғор тажрибаларини; 
г) ўқув-дастурий ҳужжатлар, тўгарак йўналишлари бўйича ўқув режалари, таълим 
дастурлари ва бошқа ўқув методик ҳужжатларни ишлаб чиқиш тамойиллари ва тартибини; 
д) маънавий-ахлоқий тарбияни амалга оширишда таълим муассасалари, жамоат 
ташкилотлари билан ҳамкорликни ривожлантириш йўналишларини; 
е) педагогика, педагогик психология, болалар физиологиясини; 
ж) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларини. 
135. Малака талаблари: 
а) камида бакалавр даражасидаги олий маълумот; 
б) икки йилдан кам бўлмаган педагогик иш стажи.