Халқ таълими ходимлари асосий лавозимларининг малака тавсифлари

 
49-§. Халқ таълими муассасалари фаолиятини методик таъминлаш ва ташкил
этиш туман (шаҳар) бўлими таълим муассасалари фаолиятини ташкил
этиш ва ўқувчиларни маънавий-ахлоқий тарбиялаш шўъбаси
мутахассиси лавозимининг малака тавсифлари 
Тартиб рақами 
2457 
Машғулотларнинг миллий стандарт 
классификатори бўйича коди 
- 
Ходимлар тоифаси 
Мутахассис 
157. Лавозим вазифалари: 
а) бўлимнинг мактабгача таълим муассасалари, умумий ўрта таълим мактаблари 
фаолияти мониторинги бўйича ишларини режалаштириш ва амалга ошириш; 
б) гуруҳ раҳбари билан биргаликда мактабгача таълим муассасалари ва умумтаълим 
мактабларини йиллик мониторинг қилиш режа-жадвали ва дастурини ишлаб чиқиш; 
в) мактабгача таълим муассасалари ва умумий ўрта таълим мактаблари фаолиятини 
мониторинг қилиш материаллари ва дастурини тайѐрлаш, ўтказилган мониторинг 
натижаларини умумлаштириш ва таҳлил қилиш; 
г) мактабгача таълим муассасалари ва умумий ўрта таълим мактабларида ўтказилган 
мониторинг натижалари асосида таълим муассасалари фаолиятини такомиллаштириш бўйича 
тавсиялар тайѐрлаш; 
д) таълим сифати мониторинги бўйича таянч таълим муассасалари фаолиятини ташкил 
қилиш, уларнинг негизида илғор тажрибалар алмашиш, янги педагогик, ахборот-
коммуникацион ва бошқа технологияларни жорий этиш масалалари бўйича учрашувлар, 
семинарлар, конференциялар ўтказиш, улардан таълим-тарбия жараѐнида фойдаланишни 
таъминлаш; 
е) таянч таълим муассасалари фаолиятини ташкил этишга методик ѐрдам кўрсатиш, 
таълим муассасаларининг ўқув-тарбия жараѐнини методик таъминлаш кичик гуруҳи 
ходимлари (методистлари) билан ҳамкорликда ўқувчилар билимидаги камчиликларни 
бартараф этиш бўйича методик материаллар тайѐрлаш; 
ж) таълим муассасаларида таълим сифатини ошириш юзасидан педагоглар, ўқувчилар 
ва ота-оналар фикрларини инобатга олган ҳолда таклифлар тайѐрлаш ва бўлим раҳбариятига 
тақдим этиш; 
з) касб маҳорати, синфдан ташқари ва тарбиявий ишлари учун устама оладиган 
педагоглар фаолияти мониторингини амалга ошириш; 

---

69 
и) ўтказилган мониторинг натижалари бўйича бўлим кенгашига материаллар 
тайѐрлаш; 
к) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидалари талабларига риоя қилиш. 
158. Билиши лозим: 
а) давлатимизнинг халқ таълимига оид ва болалар ҳуқуқларини тартибга солувчи 
норматив-ҳуқуқий ҳужжатларини; 
б) мутахассислиги бўйича янгиликларни, психология-педагогика фани ютуқларини ва 
уни ҳаѐтга татбиқ этиш йўлларини; 
в) методик ишларни ташкил этиш ва самарадорлигини ошириш усулларини; 
г) умумий ўрта таълим мактаби ўқувчиларининг давлат таълим стандартлари 
талабларини ўзлаштириш мониторингини олиб бориш ва аниқланган камчиликларни 
бартараф этиш йўлларини; 
д) давлат таълим стандартлари, ўқув режа, ўқув дастури ва бошқа ўқув-методик 
ҳужжатларнинг мазмуни ҳамда ўқув жараѐнига татбиқ этиш йўлларини; 
е) дарсларни таҳлил қилиш ва амалий ѐрдам бериш шаклларини, таълим методларини 
ва воситаларини; 
ж) илғор педагогик технологиялар ва уларни татбиқ этиш методларини, жамоада қулай 
психологик муҳит яратишни; 
з) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларини. 
и) меъѐрий ҳужжатлар билан ишлаш йўлларини. 
159. Малака талаблари: 
а) камида бакалавр даражасидаги олий педагогик маълумот; 
б) хорижий тиллардан бирининг бошланғич босқичини ва ахборот-коммуникация 
технологияларидан фойдаланишни билиши; 
в) беш йилдан кам бўлмаган педагогик иш стажи.