Халқ таълими ходимлари асосий лавозимларининг малака тавсифлари

42-§. “Баркамол авлод” болалар маркази тўгарак 
раҳбари лавозимининг малака 
тавсифлари 
Тартиб рақами 
2364 
Машғулотларнинг миллий стандарт 
классификатори бўйича коди 
2349 
Ходимлар тоифаси 
Мутахассис 
136. Лавозим вазифалари: 
а) ўқувчиларнинг қизиқишларига кўра тегишли йўналиш бўйича тўгарак фаолиятини 
ташкиллаштириш, уларни тўгаракларга жалб этиш ва раҳбарлик қилиш; 
б) ўқувчиларнинг мактабдан ташқари таълимга бўлган эҳтиѐжини ўрганиш, назарда 
тутилаѐтган тўгарак аъзолари контингентини аниқлаш ва уни сақлаб қолишни таъминлаш; 
в) тўгарак машғулотларини ташкил этишда аъзоларнинг ѐши, руҳий-физиологик 
ҳолати, лаѐқати ва қизиқишларини инобатга олиш, таълим-тарбия жараѐнини ўрнатилган 
тартибда санитария-гигиена нормаларига ва хавфсизлик қоидаларига мувофиқ ташкил этиш, 
тўгарак аъзоларининг ҳаѐти ва соғлигини муҳофаза қилиш; 
г) болаларнинг эҳтиѐжлари ва қизиқишларига мувофиқ уларнинг ижодий ва бадиий 
қобилиятларини ривожлантириш; 

---

59 
д) тўгарак машғулотларини мактабдан ташқари таълимга қўйилган давлат талаблари 
асосида илғор педагогик усуллар ва методлардан, замонавий ахборот-коммуникация 
технологияларидан фойдаланган ҳолда ташкил этиш; 
е) тўгарак аъзоларининг эгаллаган билим, кўникма ва малакаларининг мактабдан 
ташқари таълимга қўйилган давлат талабларига мослигини аниқлаш, камчиликларни 
бартараф этиш юзасидан тўгарак йўналиши бўйича тавсиялар тайѐрлаш; 
ж) илғор тажрибалар асосида тўгарак ўқув дастурларини тузиш ва “Баркамол авлод” 
болалар марказининг раҳбариятига тўгараклар фаолиятини яхшилаш юзасидан таклифлар 
киритиш; 
з) тўгарак хоналарини кўргазмали ва техник таълим воситалари ҳамда ўқув ва ахборот 
манбалари билан жиҳозлаш, машғулотлар жараѐнини дастурий-методик материаллар билан 
таъминлаш, амалий машғулотларни ўтказишда жиҳозларнинг сақланиши, улардан самарали 
фойдаланишни ташкил этиш; 
и) ѐзги таътил кунлари учун мавсумий режалар асосида тўгарак ишларини ташкил 
қилиш, шунингдек, “Баркамол авлод” болалар марказининг маданий-оммавий тадбирлари 
ташкилотчиси билан биргаликда ўқувчиларнинг бўш вақтларини мазмунли ўтказиш, дам 
олишларини тўлақонли амалга ошириш мақсадида муассасалар ва маҳаллаларда (овулларда) 
ота-оналар билан ҳамкорликда турли йўналишдаги оммавий тадбирларни ташкил этиш; 
к) педагогика кенгашида ва ўз йўналиши бўйича турли танловлар, кўргазмалар, 
мусобақалар ўтказиш бўйича керакли ҳужжатлар ишлаб чиқишда, тўгарак машғулотларининг 
сифатини оширишга оид турли анжуманлар, илмий-амалий конференциялар, ўқувлар, кўрик-
танловларда ўз маърузаси билан иштирок этиш; 
л) оммавий ахборот воситаларида ўз иш фаолияти билан боғлиқ илғор тажрибаларни 
ѐритиш ҳамда ўзининг педагогик маҳорати ва касб малакасини узлуксиз равишда ошириб 
бориш; 
м) санитария-гигиена талаблари, меҳнатни муҳофаза қилиш, техника хавфсизлиги ва 
ѐнғиндан ҳимояланиш қоидаларга риоя қилиш. 
137. Билиши лозим: 
а) мактабдан ташқари таълимга оид ва болалар ҳуқуқларини муҳофаза қилиш 
соҳасидаги норматив-ҳуқуқий ҳужжатларни; 
б) мактабдан ташқари таълимга қўйилган давлат талабларининг мазмуни, ўқув ва 
тарбия сифати, уларни жорий қилиш натижалари билан боғлиқ ҳолда ходимларни маънавий 
ва моддий рағбатлантириш тизимлари ва методларини; 
в) касбга йўналтириш ишининг ташкилий-педагогик асосларини, ѐзги таътил пайтида 
ишлашни ташкил қилиш шакллари ва методларини; 
г) ўқув-дастурий ҳужжатлар, тўгарак йўналишлари бўйича ўқув режалари, таълим 
дастурлари ва бошқа ўқув методик ҳужжатларни ишлаб чиқиш тамойиллари ва тартибини; 
д) санитария-гигиена талаблари, меҳнатни муҳофаза қилиш, техника ва ѐнғин 
хавфсизлиги қоидаларини. 
138. Малака талаблари: 
а) камида бакалавр даражасидаги олий ѐки ўрта махсус маълумот; 
б) амалий иш стажи талаб қилинмайди.