Бухоро давлат университети ҳузуридаги илмий даража берувчи dsc

Тадқиқотнинг амалий натижаси
қуйидагилардан иборат: 

---

8 
Бухоро адабий муҳитининг пешқадам вакилларидан бири Абдураҳмон Тамкиннинг 
ижодий биографияси, адабий меросига хос лингвопоэтик ва композицион, семантик 
хусусиятлар аниқланган; 
ХIХ аср охири – ХХ аср бошларида Бухоро адабий муҳитининг мактаб даражасида 
шакллангани ва изчил такомиллашиб боргани, унда Абдураҳмон Тамкин Бухорийнинг 
тутган ўрни илмий маълумотларга биноан асосланган; 
Тамкин Бухорийнинг “Мўлистон” ва “Ганжи шойгон” мадҳиялари, 1914 йилда 
ёзилган “Жароид” асари ва девони ҳақидаги мавжуд маълумотлар бойитилган; 
шоирнинг қасида, ғазал, мухаммас, маснавий, рубоий, ҳажв, қитъа, фард, чистон, 
муаммо каби жанрларда, форсий ва арабий, туркий тилларда асарлар яратганлиги 
далилланган. 
Тадқиқот натижаларининг ишончлилиги 
XIX аср охири ва ХХ аср бошлари
 
Бухоро адабий муҳитида яшаб ижод қилган Абдураҳмон Тамкин ижодига доир илмий-
назарий қарашлар умумлаштириб ўрганилганлиги, тадқиқот доирасида бу давр 
адабиётининг анъанавий лирик жанрлари хусусиятлари, улардан ташкил топган шоир 
адабий меросининг поэтик хусусиятлари, тематикаси бўйича олиб борилган тадқиқот 
хулосалари ва тавсиялари амалиётга татбиқ этилгани билан асосланади. 
Тадқиқот натижаларининг илмий ва амалий аҳамияти. 
Тадқиқот 
натижаларининг илмий аҳамияти XIX аср охири ва ХХ аср бошларида ўзбек ва тожик 
адабиёти тараққиётининг умумий хусусиятларини Бухоро адабий муҳити вакиллари 
ижодига хос кўп тиллилик анъанаси мисолида очиш, унда айрим адабий сиймоларнинг 
ижодий меросида бадиий талқин топган умумбашарий тушунчаларнинг яқинлигини 
асослашда илмий-назарий манба бўла олиши мумкинлиги билан белгиланади. 
Тадқиқот натижаларининг амалий аҳамияти унинг натижалари ва хулосаларидан 
олий таълим муассасаларида “Бухоро адабий ҳаракатчилиги”, “Ўзбек адабиёти тарихи” 
фанлари бўйича дарслик ва қўлланмалар яратишда, адабиёт назарияси фанининг наср, 
жанр, услуб, бадиий тил, адабий синтез, анъана масалаларини ўрганишда фойдаланиш 
мумкинлигида кўринади.