Moliyaviy hisobot auditi

MOLIYAVIY HISOBOT AUDITINING MAQSADI VA UNING ASOSIY 
TAMOYILLARI
100 
8-MAVZU: MOLIYAVIY KO’RSATKICHLARGA AUDITORLIK 
XULOSALAR 
8.1. Tayyorgarlik tartibi 
Majburiy audit o’tkazish jarayonida auditorlarning barcha harakati auditorlik 
tekshiruvining asosiy maqsadi – xo’jalik subyektning buxgalteriya hisobotini ishonchliligi 
to’grisida xolis fikr shakllantirishga yo’naltiriladi. Bu fikr auditorlik xulosasining mohiyatini 
tashkil etadi. 
“Auditorlik faoliyati to’risida” gi qonunning 19-moddasida quyidagicha belgilab 
qo’yilgan: 
1. Auditorlik xulosasi - moliyaviy hisobotning to’riligi va buxgalteriya hisobi yuritish 
tartibining qonun xujjatlarida belgilangan talablarga muvofiqligi to’g’risida auditorlik 
tashkilotining fikri yozma shaklda ifodalangan, xo’jalik yurituvchi sub’ekt moliyaviy 
hisobotidan foydalanuvchilar uchun ochiq bo’lgan hujjat. 
Auditorlik xulosasi auditorlik hisoboti asosida tuziladi. 
2. Auditorlik xulosasining shakli va mazmuni auditorlik faoliyatining milliy standartlari 
bilan belgilanadi. 
Aditorlik xulosasini tuzishda auditor quyidagi nizom va qoidalar (standartlar) amal qiladi: 
“Moliyaviy (buxgalteriya) hisoboti to’g’risidagi auditorlik xulosasi” “Buxgalteriya hisoboti 
to’g’risida auditorlik xulosasini tuzish tartibi”, “Audit qilingan moliyaviy hisobotdagi boshqa 
ma’lumotlar”, “Xo’jalik subyekti rahbariyatiga auditorlik tekshiruvi natijasi to’risida yozma 
ma’lumot”, “Auditorlik tashkilotining maxsus topshiriqlar bo’yicha xulosasi”. Aynan ushbu 
standartlarda auditorlik xulosasining shakli, turlari va boshqa ma’lumotlar keltirilgan. 
Shuningdek, auditorlar xulosa tayyorlash jarayonida boshqa qoidalar (standartlar)dan ham 
foydalanadi. 
Audit quyidagi turlarga ajratiladi: majburiy, tashabbus tarzidagi va maxsus topshiriqlar 
bo’yicha audit. Tajriba shuni ko’rsatmoqdaki, uchala tur audit faoliyati uchun ham bir xil 
shakldagi auditorlik xulosasidan foydalanish maqsadga muvofiqdir. 
Auditorlik xulosasi mijoz bilan kelishilgan tilda yozilishi kerak, qiymat ko’rsatkichlari esa 
O’zbekiston Respublikasi milliy valutasi (so’m)da ko’rsatilishi kerak. Tuzatishlarga ruxsat 
etilmaydi. 
Auditorlik tashkiloti auditorlik xulosasini faqatgina xo’jalik subyektiga kelishilgan 
nusxada va muddatda taqdim etishga majbur. 
Auditorlik tashkilotida (auditorda) odatda mijozga taqdim etilgan auditorlik xulosasining 
aynan o’xshash nusxasi saqlanadi.