Toshkent davlat yuridik instituti fuqarolik huquqi

5-§. Kontraktatsiya shartnomasi
Kontraktatsiya shartnomasining tushunchasi. 
Qishloq xo'jaligi 
sohasidagi shartnomalar uchun ham shartnomalar institutining umumiy 
tamoyillari bo'lgan shartnomalarni tuzish erkinligi, taraflarning o'zaro 
manfaatdorligi, shartnoma intizomiga rioya etish, taraflarning o'zaro 
mulkiy javobgarligi tamoyillari xos bo'lsa-da, bu shartnomalar o'zining 
ayrim xususiyatlari bilan boshqa xo'jalik shartnomalaridan farqlanadi. 
Shu sababli, qishloq xo'jalik sohasida qo'llaniladigan shartnomalar yuridik 
adabiyotlarda alohida tadqiqotlar obyekti bo'lib kelgan.
Qishloq xo'jalik ishlab chiqarishining o'ziga xosligi shundaki, bunda 
shartnoma predmeti bo'lgan mahsulotlarni ishlab chiqarish jarayoni, 
birinchi navbatda, tabiiy iqlim sharoitlari, ekinlarning kasallanishi va

---

h.k. (fo rs -m a jo r h olatlar)ga b o g ‘ liqligi bu sohada tuziladigan 
shartnomalarning muhim xususiyatlaridan biridir1.
Shu nuqtayi-nazardan qaraganda, kontraktatsiya shartnomasi ham 
qishloq xo'jalik tizimida faoliyat yuritadigan barcha mulk shakllaridagi 
korxonalar, xususan, qishloq xo'jalik shirkatlari, fermer va dehqon 
xo'jaliklari bilan mahsulot xarid qiluvchi (tayyorlovchi, savdo, qayta 
ishlovchi) o'rtasida tuziladigan huquqiy hujjatdir.
Kontraktatsiya shartnomasi iqtisodiy mazmun jihatdan oldi-sotdi 
shartnomasining bir turidir. Lekin u o'ziga xos huquqiy belgilari bilan 
oldi-sotdi shartnomasining boshqa turlaridan ajralib turadi.
Kontraktatsiya shartnomasiga muvofiq, qishloq xo'jalik mahsuloiini 
yetishtiruvchi qishloq xo'jaligi mahsulotini qayta ishlash yoki sotish uchun 
bunday mahsulotni xarid qiladigan shaxsga - tayyorlovchiga shartlashilgan 
muddatda topshirish (topshirib turish) majburiyatini oladi, tayyorlovchi 
esa bu mahsulotni qabul qilish (qabul qilib turish), uning haqini 
shartlashilgan muddatda muayyan bahoda to'lash (to'lab turish) 
majburiyatini oladi (FKning 465-moddasi).