Текст проекта 24247-(24247)

project.gov.uz
11.11.2020
54
10–боб. Юк ташиш (манзилга ўзгартириш)
шартномасини ўзгартириш тартиби
195. Юк жўнатувчи ва юкни олувчи ташиш шартномасини ўзгартириш ҳуқуқига эгадир.
Юк жўнатувчи етказиш манзилидаги темир йўл станцияси ва юкни олувчини, юкхатида
кўрсатилган етказиш манзилидаги темир йўл станциясини ўзгартирмасдан юкни олувчини
ўзгартириш, шунингдек, юкни олувчига юк ҳали топширилмаган бўлса, юкни жўнатиш темир йўл
станциясига қайтариш ҳуқуқига эга.
Юкни олувчини ўзгартириш ҳақидаги ариза юк квитанциясининг асл нусхасини илова қилинган
ҳолда юк жўнатувчи темир йўл станцияси бошлиғига берилади. Юкни олувчига юк ҳали
топширилмаган бўлса, темир йўл (инфратузилма эгаси, ташувчи) юк жўнатувчининг
кўрсатмасини бажаради.
Юкни олувчи етказиш манзилидаги темир йўл станциясини ва юкни олувчини ўзгартириш
ҳуқуқига эга.
196. Темир йўл (инфратузилма эгаси, ташувчи) юк жўнатувчи, юкни олувчининг аризаси асосида,
етказиш манзилидаги темир йўл станцияси
ва (ёки) юкни олувчини ўзгартирган ҳолда ташилаётган юкларни манзилини ўзгартириш ҳуқуқига
эга.
Манзилни ўзгартириш тўғрисидаги ариза, функцияларига кўра манзилни ўзгартириш тўғрисидаги
қарорни қабул қиладиган темир йўлнинг (инфратузилма эгаси, ташувчи) минтақавий бўлинмасига
берилади. Ушбу бўлинмалар рўйхати темир йўл томонидан белгиланади. 
Юкни манзилини ўзгартириш учун берилган розилик манзилни ўзгартиришни
расмийлаштираётган темир йўл станцияси бошлиғига, нусхаси эса дастлабки етказиш
манзилидаги темир йўл станцияси бошлиғига юборилади. Манзилни ўзгартиришни
расмийлаштираётган темир йўл станцияси, дастлабки етказиш манзилидаги темир йўл
станциясига амалга оширилган манзилини ўзгартириш тўғрисида телеграф орқали хабар бериши
лозим.
Ҳарбий эшелонлар ва ҳарбий транспортни манзилини ўзгартириш, Ўзбекистон Республикаси
Мудофаа вазирлиги ҳарбий бўлинмалари тармоқ органларининг юк манзилини ўзгартириш
тўғрисидаги аризаси ёки юк жўнатувчи
ва (ёки) юкни олувчининг ҳарбий бўлинмалар органлари билан келишилган
ҳолда тақдим этган аризаси асосида амалга оширилади.
197. Манзилни ўзгартириш тўғрисидаги аризада қуйидаги маълумотлар кўрсатилган бўлиши
лозим:
вагон (контейнер) рақами ва юкхати рақами;
юк жўнатувчининг номи;
жўнатиш темир йўл станцияси;
юк номи;
дастлабки манзил темир йўл станцияси;

---