«iqtisod-moliya»

 
Хулосалар 
 
1. Давлат молиясини бошқариш - давлатнинг ўз вазифаларини 
бажаришини таъминлаш учун молия ресурсларини жалб қилишда 
маълум самарага эришиш, бир тизим асосида молиявий ресурслар-
ни тақсимлаш ва ишлатиш, иқтисодиётни барқарорлаштириш ва 
жамият ривожи учун шароит яратиш борасида давлат томонидан 
кўрилган чора-тадбирларнинг йиғиндиси ҳисобланади.
2. «Давлат молиясини бошқариш» фани бозор иқтисодиётини тад-
қиқ қилувчи фанларнинг бири сифатида ўзида бозор иқтисодиёти-
нинг кўплаб аниқ фанлари ва хулосаларини мужассамлаштиради.
3. Республикамизда юқори малакали иқтисодчи-мутахассислар 
бўлиб етишадиган талабалар учун давлат молиясини бошқариш ти-
зими ҳақида назарий билимлар бериш, уларда давлатнинг ҳозирги 
даврдаги молия сиёсатининг асосий йўналишлари бўйича кўник-
малар ҳосил қилиш учун «Давлат молиясини бошқариш» фанини 
ўргатишимиз зарур.
4. Давлатнинг мамлакат иқтисодиётига аралашуви макроиқти-
содий сиёсат орқали амалга оширилади.
5. Молия алоқаларини амалга оширувчи ва молия инфратузил-
масини ташкил этувчи давлат идора ва ташкилотлари, фирмалар, 
банклар, компаниялар молия институтларидир. Фирмалар ва хона-
донлар, нодавлат ва жамоат ташкилотларидаги молия, молия тизи-
мининг бошланғич ва асосий бўғини микромолия ҳисобланади. 
6. Макромолия – бу мамлакат доирасидаги ва миллий иқти-
содиётга хизмат қилувчи молия бўлиб, давлат молиясидан иборат. 
Микромолиядан фарқли равишда макромолия умумжамият молия-
си ҳисобланади ва давлат молиясида ифода этилади, чунки фақат 
давлат умуммиллий, яъни умумхалқ манфаатларини ўзида гавда-
лантирувчи сиёсий институт ҳисобланади.
7. Давлатнинг молиявий фаолияти давлат зиммасидаги функ-
цияларни бажарилишини таъмин этиш йўлида пул маблағларини 
тўплаш, тақсимлаш ва қайта тақсимлаш соҳасидаги чора-тадбир-
лардан иборат.