9-mavzu. Pedagogik fikrlarning sho‘ro davridagi rivoji

Munavvarqorining‘ ta’lim-tarbiya haqidagi g‘oyalari 
Munavvarqori Abdurashidxonov o‘z pedagogik qarashlarida ta’lim-
tarbiya va maorifni isloh qilish jamiyatda milliy rivojlanish va Vatanni 
bosqinchilardan ozod qilishning asosiy omili bo‘lishi kerakligi g‘oyasini olg‘a 
surdi. 
Munavvarqori bolalar tarbiyasida faqat ota-onalar emas, balki muallim va keng 
jamoa javobgar ekanligini aytib, ulardan bolalarni axloqli qilib tarbiyalashni 
talab etdi. U yoshlarni bilimlarni puxta egallashga, mehnat qilishga, umumin -
soniy qadriyatlarga sadoqatli bo‘lishga chorladi, ota-onalarni farzandlarida 
ma’naviyat, nafosat, go‘zallik tuyg‘usini rivojlantirishga da’vat qildi. 
Munavvarqori vatanparvarlik tarbiyasi haqida 
Munavvarqorining fikricha, Vatanni sevish, uning gullab- yashnashi 
uchun mehnat qilish va bilimlarni egallash shart. Bilimsizlik nodonlik, yalqovlik 
demakdir. U yoshlarga xitob qilib deydi: 
Qo‘zg‘olingiz, ey o‘rtoqlar! Keldi bizga ishlash chog‘i 
Biz barchamiz yosh ishchimiz, ishxonamiz maktab bog‘i 
Munavvarqori bolalar qalbiga Vatan tuyg‘usini singdirib, ularni fuqarolik 
burchlarini samimiy e’tiqod bilan ado etuvchilar qilib kamol toptirishni talab 
etdi: 
Jannat kabi go‘zal yurting yig‘lab sendan ish kutadir 
Seni ko‘rgach ishsizlikni hasrat chekib qon yutadi 
Tur o‘rningdan, och ko‘zingni 
Ayt yovingga so‘ng so‘zingni. 
Munavvarqorining fikricha, yosh avlodni tarbiyalash bilangina millatni 
uyg‘otish, Vatanni ozod qilish, xalq ma’naviyatini yuksaltirish, turmushni 
farovonlashtirish mumkin. Adib yoshligidan bolalarda mehnatga qiziqish, 
g’ayrat, jasorat fazilatlarini tarbiyalashni tavsiya etadi, yoshlarni bu fazilatlarni 
egallashga chorlab dedi: 
Siz ham turing, ey o‘rtoqlar 
YUrt obro‘sini yoshlar saqlar