Toyloq tuman xalq ta’limi bo’limiga qarashli 23-umumta’lim maktabi 8- 11-sinf o’quvchilari o’rtasida o’tkazilgan ‘’Yoshlar o’rtasida erta turmushni oldini olish,erta turmushning salbiy oqibatlari

Toyloq tuman xalq ta’limi bo’limiga qarashli 23-umumta’lim maktabi 8- 11-sinf o’quvchilari o’rtasida o’tkazilgan ‘’Yoshlar o’rtasida erta turmushni oldini olish ,erta turmushning salbiy oqibatlari,erta turmushning muammolarini yechishda ta’lim muassasalari va oilaning hamkorligi mavzusidagi yig’lilish BAYONNOMASI

23.01.2020. 5-sonli

Yig’ilish raisi: X.Ashurova.

Yig’ilish kotibi: Z.Suvonkulova.

Qatnashdilar: Maktab psixologi Z.Suvonkulova, Maktab ma’naviy- ma’rifiy ishlar bo’yicha director o’rinbosari

Yu.Nasimova, Xotin qizlar raisi:Muqimova Zarrina maktab hamshirasi : M.Ergasheva.

Kun tartibida

1.Erta turmush qurishni oldini olish.

2.Erta turmush qurishni salbiy oqibatlari.

3.Erta turmushning muammolarini yechishda ta’lim muassasasi va oilaning hamkorligi.

Birinchi masala yuzasidan maktab direktori X.Ashurova so’zga chiqib, yoshlar o’rtasida erta turmushni oldini olish haqida ma’lumot berib o’tdilar.Hozirgi vaqtda erta turmush global jamoatchilik muammosi hisoblanadi.Rasmiy statistik ma’lumotlarga qaraganda ,shifokorlarning tavsiyasiga binoan 16-17-yoshli qizlar ona bo’lishga ma’nan va ruhan,jismonan, organizmning turli morfologik,fiziologik jihatdan tayyor emasligi , psixologlar tavsiyasiga binoan nihoyatda erta(16-17-yoshda)oila qurish maqsadga muvofiq emas.Nihoyatda erta yoshda oila qurish va ikkisini ham yoshi 17-18 bo’lishi , yigitning oila boshlig’I sifatida shakllanishida salbiy ta’sir qilishi mumkin .

Ikkinchi masala yuzasidan maktab psixologi Z.Suvonkulova so’zga chiqib, erta turmush qurishning salbiy oqibatlari haqida fikrlarini bildirib o’tdi. Yosh qizlarning ham erta (16-17 yoshda) turmushga chiqishi va ularning oilaviy hayotga tayyor emasligi turli salbiy holatlarga olib kelmoqda..Birinchidan, milliy udumga ko’ra , ko’pchilik kelinlarning oiladagi mavqeyi past darajada ega bo’ladi va va ular ko’proq har xil oilaviy ishlarni bajaradilarTabiiyki 16-17-yoshli qizning jismi hali bunday og’ir ishlarni bajarishga tayyor bo’lmaydi . Ikkinchidan , qizlar bu yoshda ma’naviy jihatdan ham oila munosabatlarida tayyor bo’lmaydi.Uchinchidan , yosh turmushda chiqqan kelinlarning shu yoshda homilador bo’lishi tos suyaklari kichkina bo’lganligi uchun havflidir . To’rtinchidan , o’z qadri , huquqlari va o’zini-o’zi himoya qilish tushunchalarini anglab yetgan , jinsiy va reproduktiv madaniyati to’la shakllanmagan yosh qizlarning biron kasb - hunar egallamasdan , bilim olmasdan , mutaxassislikka ega bo’lmasdan oila qurishi ularning qaynota , qaynona va erlariga iqtisodiy jihatdan qaram holda yashashlariga qaram bo’lmoqda.Ayrim oilalarda aynan iqtisodiy qaramlik tufayli kelinlar yosh bolasi bilan kamsitilmoqda, tazyiqqa uchramoqda.Shuning uchun qizlarning biron hunar yoki mutaxassislikka ega bo’lganidan keyingina turmushga chiqishlari maqsadga muvofiqdir.

Uchinchi masala yuzasidan maktab ma’naviy-ma’rifiy ishlar bo’yicha director o’rinbosari Nasimova Yulduz va mahalla otinoylari Salomova Maqsuda so’zga chiqib,erta turmush qurish muammolarini yechishda ta’lim muassasasi hamda oila hamkorligida haqida fikrlarini bildirib o’tdilar.Aholining nikohdan o’tish Yoshi kuzatilganda , ularda 24-25-yoshdan boshlab , iqtisodiy jihatdan mustaqil bo’lib , o’zini ta’minlay olgandagina nikohdan o’tib , farzandli bo’lganligi ma’lum bo’ldiyu bu holat aholini o’sishini sifatini yaxshilaydi va iqtisodiy taraqqiyotga , yoshlarning intelektual o’sishiga ta’sir o’tqazadi. Yuqoridagilarni hisobga olib , bizning sharoitda yosh qizlarning to’liq balog’atga yetishi 19-20-yoshlarda to’g’ri keladi deyish mumkin. .

. Qizlarning oilaviy hayotda jismonan, ma’nan va ruhan , reproduktiv va jinsiy hayot madaniyatiga tayyor bo’lmagan holda erta turmushga chiqishlari quyidagi oqibatlarga olib kelmoqda :

1.Yosh oilalar o’rtasida ajralishlarning ko’payishi ajralishlar dastlabki besh yil davomida ro’y beradi,

2.Tug’ish vaqtidagi murakkabliklar , tug’ish va homiladorlik o’rtasidagi homiladorlik oraliq muddatning qisqarishi.

3.Birinchi bor tug’ayotgan va 20 yoshgacha bo’lgan yosh ayollar o’rtasida o’limning ko’payishi.

Bu holatlarni tahlil qiladigan bo’lsak , siz yoshlar uchun turmushga chiqish Yoshi 20 yoshdan keyin bo’ladigani maqsadga muvofiq deb hisoblaymiz.

Yuqoridagi ma’lumotlarga asoslanib, yig’lilish qaror qiladi:

1.Yoshlar orasida erta turmush va erta tug’ruqni oldini olish bo’yicha tushuntirish ishlari doimiy o’tkazilib turilsin.

2.Bu ishlar doimiy hamkorlikda amalga oshirilsin.

3.Maktab hududida tishuntirish ishlari M.M.I.B direktor o’rinbosari Nasimova Yulduz , X.Q. raisi Muqimova Zarrina , maktab psixologlari Z.Suvonkulova zimmasiga yukalatilsin.

Maktab direktori: X.Ashurova. Maktab psixologi: Z.Suvonkulova.