9-mavzu. Pedagogik fikrlarning sho‘ro davridagi rivoji

Behbudiy ta’lim-tarbiya haqida 
Behbudiy ta’lim-tarbiyada muvaffaqiyatlarga erishishning birdan bir yo‘li 
o‘lkada ilm-fanni rivojlantirish ekanini aytadi. Behbudiy ta’lim-tarbiya ishini 
ijtimoiy hayot, jahon miqyosida sodir bo‘layotgan voqealar bilan bog’liq holda 
olib borishni talab etadi. U yoshlar tarbiyasida, oila, ota- onalar alohida 
mavqega ega ekanini ta’kidlaydi. U «Padarkush» asarida: «Bizlarni 
honavayron... bevatan va bandi qil- g‘on tarbiyasizlik va jaholatdir, bevatanlik, 
darbadarlik, asorat, faqirlik zarurat va horliqlar... hammasi ilmsizlik va 
betarbiyalikning mevasi va natijasidir...»,
1
— deb yozadi 
Behbudiy ta’lim-tarbiya haqidagi o‘z qarashlarini badiiy ijodsa ham 
ifodaladi. 1911 yilda yozgan «Padarkush» drama- sida ota-onalar bilan bolalar 
o‘rtasidagi nozik munosabat- lar ta’lim-tarbiyada bosh masala ekanligini 
ko‘rsatdi. U maktab tarbiyasi bilan oila tarbiyasi uzviy birlikda olib borilishi 
kerakligini ta’kidladi. Asarda voqea Boy bilan o‘g‘li Toshmurod (ota-bola) 
o‘rtasidagi muloqotdan boshlanadi. Boy o‘g‘li savodsiz bo‘lib, o‘g‘lini 
o‘qitmaganligi sababli u odobsiz bo‘lib o‘sadi. U butun oilani halokatga olib 
keladi. Boyning maqtanchoqligi, o‘jarligi, mol-dunyoga o‘chligi o‘g‘lini ham 
shunday ahvolga soladi 
Behbudiy asarda o‘z g’oyalarini, ya’ni ta’lim-tarbiyaning izdan chiqishiga 
oilaning o‘zi sabab bo‘lganligini aks ettirish orqali bayon etdi 
Behbudiy pedagogik g‘oyalarining ahamiyati 
Behbudiy ma’rifat, ilm-fan, badiiy ijod sohasidagi butun faoliyatida 
millatimiz madaniyati, ma’naviyatining ravnaqi uchun kurashdi, buyuk siymo 
sifatida shuhrat qozondi. ta’lim-tarbiyaga doir qimmatli fikr, g’oyalarini bayon 
etadi. U izhor etgan bu g’oyalar muhim ahamiyatga ega bo‘lib, ular milliy 
pedagogikamiz tarixiga qo‘shilgan ulkan hissadir. 
Behbudiy o‘zining butun faoliyati davomida XX asr boshlaridan to 
umrining oxirigacha amalga oshirgan ishlari, ilmiy- nazariy asarlari, ayniqsa, 
pedagogika, maktab-maorif sohasida qilgan xizmatlari bilan o‘zbek madaniyati 
tarixida o‘chmas iz qoldirdi 
Ulug‘ mutafakkirning pedagogik fikrlari faqat u yashagan davr emas, 
balki hozirgi yoshlar tarbiyasida ham samarali xizmat qilmoqda