Agarbiz o’zbekistonimizni dunyoga tarannum etmoqchi, uning qadimiy tarixi va yorug; kelajagini ulug’lamoqchi, uni avlodlar xotirasida boqiy saqlamoqchi bo’lsak, avalombor buyuk yozuvchilarni, buyuk shoirlarni

 
БОШЛАНҒИЧ ТАЪЛИМДА ДИДАКТИК ЎЙИНЛАРДАН ФОЙДАЛАНИШ 
 
ЭШНАЗАРОВА Ф., Сам ВХТХҚТМОИ 
Бошланғич таълимда дидактик ўйинларнинг ўрни беқиёсдир. 
Ўйинсиз том маънодаги ақлий ривожланиш бўлиши мумкин эмас. Ўйин ўқувчиларда билимга иштиёқ 
ва қизиқишни уйғотадиган учқундир. 
Ўйин - бошланғич синф ўқувчиларида маълум сифатларни шакллантириш учун катталар - ўқитувчилар, 
тарбиячилар, ота-оналар томонидан қўлланиладиган усул ҳисобланади. Ўйин воситасида ўқувчиларнинг 
билимларни ўзлаштириш жараёни қулайлашади, турли хил предметлар билан муносабатда бўлишга ўрганади, 
шунингдек, уларда муомала маданияти шаклланади. 
Ўйин воситасида боланинг шахси шаклланади, унда келгусида ўқув ва меҳнат фаолиятини ташкил 
этиш ва инсонлар билан муносабатга киришишга оид руҳий хусусиятлар шаклланади. 
Ўйин орқали болалар борлиқни ўрганади ва дунёни ўзгартиришга ҳаракат қилади. Шундай қилиб, ўйин 
инсон фаолиятининг шаклланишига асос солади. Ўйинда инсон борлиқни акс эттириш қобилиятини намоён 
қилади. Ўйиннинг энг муҳим аҳамияти шундаки, унда илк бор боланинг дунёга таъсир этиш эҳтиёжи пайдо 
бўлади ва шаклланади. 
Дидактик ўйинлар ўқувчиларда мустақил фикрлашни тарбиялашнинг энг тўғри ва самарали методидир. 
У маълум бир материаллар ёки шарт-шароитларни талаб этмайди, балки ўқитувчидан ўйинни ташкил этиш 
соҳасидаги билим ва малакаларни талаб этади. 
“Ўзим текшираман” 
Бундай ўйинлар ўтказишда ўқитувчи кичик ҳажмдаги диктантларни танлайди. Бундай ўйинларни ҳар 
бир бошланғич синфда дарснинг аввалида ўтказиш мумкин. Ўқитувчи ўқувчиларга кичик ҳажмдаги диктант 
ёздиради. Барча ўқувчилар ёзиб бўлишгач ўқитувчи ҳаттахтага диктант ёзиб кўрсатади. Диктант ҳаттахтага 
олдин ёзилиб, усти ёпиб қўйилган бўлса, ўқитувчи пардани очади. Ўқувчилар эса ўқитувчи ёзганига қараб 
ўзларининг диктантини текширади. 
“Ким кўп сўз билади” 
Бу ўйин ўқувчиларнинг луғат бойлигини ўстиришга ёрдам беради. Бунинг учун синф икки гуруҳга 
бўлинади ва 1-гуруҳ ўқувчиларига бошланиши ва тугалланиши бир хил унлидан ташкил топган, иккинчи 
гуруҳга эса худди шундай: бир хил ундош билан бошланиб , шу ундош билан тугалланган сўзларни доскага 
ёзиш топширилади. 
Масалан: 1-гуруҳ “икки”, “алла”, “укку”, 2-гуруҳ эса “қизиқ”, “катак” каби сўзларни ёзиши мумкин. 
Ўйин шартига кўра, гуруҳлардаги ўқувчилар навбат билан шартни бажарадилар. Сўз тополмай ёзишдан тўхтаб 
қолган гуруҳ ютқазган ҳисобланади.