Ўзбекистон республикаси адлия вазирлиги тошкент давлат юридик институти

умумий хусусиятларига
қуйидагилар киради: 
жиноятчиликка қарши курашишнинг умумий вазифалари, жиноят 
аломатлари мавжуд бўлганда ўз ваколатлари доирасида жиноят иши 
қўзғатишнинг тенг равишда мажбурийлиги, фаолиятнинг ягона 
жиноят ва жиноят-процессуал қонунчилик асосида амалга 
оширилиши, тергов ҳаракатларини амалга ошириш давомида ягона 
процессуал шаклга риоя этилиши, аниқланган фактларнинг тенг 
тарздаги далилий аҳамияти ва ҳоказо. 
Суриштирув ва дастлабки тергов ўртасидаги 
тафовутлар
мавжудлиги қуйидагилардан келиб чиқади: 
биринчидан, суриштирув ва дастлабки тергов жиноят 
процессининг алоҳиди босқичи бўлмиш дастлабки терговнинг кетма-
кет амалга ошириладиган турли хил даврлари ҳисобланади; 
иккинчидан, мазкур тергов шаклларининг ҳар бири турли хил 
органлар томонидан амалга оширилади (ЖПК 42-43-боблари); 
учинчидан, бир жиноят иши бўйича терговни амалга ошириш 
давомида суриштирув органлари ва дастлабки тергов органларининг 
турли ваколатлар доиралари белгиланган. Эътиборда тутиш керакки, 
агар терговчи жиноят ишини ўзи қўзғатган бўлса ёки жиноят иши 

---

132 
қўзғатилиши билан ўз иш юритувига қабул қилса, суриштирув амалга 
оширилмайди (ЖПК 350-моддаси); 
тўртинчидан, дастлабки тергов ва суриштирувни амалга 
оширишнинг турли муддатлари белгиланган (ЖПК 341-, 351-
моддалари); 
бешинчидан, терговчи ва жиноят иши бўйича суриштирувни 
амалга ошираётган шахснинг турли хил процессуал ваколатлар 
доираси белгиланган (ЖПК 36-, 39-моддалари). 
Буларнинг ҳаммаси тергов шаклларининг ҳар бири мустақил 
процессуал аҳамиятга эгалиги ҳамда алоҳида ўрганиш предмети 
бўлиши мумкинлиги ҳақида хулоса қилиш имконини беради. Шундай 
бўлса ҳам, суриштирув ва дастлабки терговнинг умумий хусуиятлари 
уларнинг ўзаро муносабати ҳақида сўз юритишга, шунингдек, уларни 
жиноят процессининг яхлит босқичига – суриштирув ва дастлабки 
тергов босқичига бирлаштиришга имкон беради.