Ўзбекистон республикаси адлия вазирлиги тошкент давлат юридик институти

14.2. Дастлабки тергов тушунчаси ва вазифалари
Дастлабки тергов 
– бу жиноят содир этишда айбдор бўлган 
шахсларни аниқлаш ва уларни фош этиш, жиноятнинг сабабалари ва 
унинг содир этилишига имкон берган шарт-шароитларини аниқлашга 
қаратилган процессуал қонунчиликка қатъий риоя қилган ҳолда 
тегишли ваколатга эга бўлган мансабдор шахслар, яъни терговчилар 
томонидан амалга ошириладиган фаолиятдир. 
Мазкур фаолият прокуратура, ички ишлар органлари ва миллий 
хавфсизлик хизмати органлари терговчилари томонидан амалга 
оширилади (ЖПКнинг 344-моддаси). Прокурор ва терговчидан 
ташқари ҳеч қандай бошқа муассасалар ёки шахслар дастлабки тергов 
фаолиятини амалга ошириши мумкин эмас. 
Ёдда сақланг!!!
Ўзбекистон Республикаси 
ҳудудида жиноятчиликка қарши кураш бўйича тезкор 
қидирув, тергов ва бошқа махсус вазифаларни 
мустақил равишда бажарувчи хусусий кооператив 
ташкилотлар, жамоат бирлашмалари ва уларнинг 
бўлинмаларини тузиш ҳамда уларнинг фаолият 
кўрсатиши тақиқланади. (
Ўзбекистон Республикаси 
Конституциясининг 121-моддаси 1 қисми
). 
Дастлабки терговни амалга оширишдан 
мақсад
бўлиб қуйидаги 
натижаларга эришиш ҳисобланади: 
- жиноятни очиш;
- айбдорни фош этиш ва айбсизни реабилитация қилиш; 
- суд муҳокамасини ўтказиш учун етарли бўладиган далилий 
базани шакллантириш; 
- айбланувчининг судда шахсий иштирокини таъминлаш; 
- жиноят натижасида етказилган зарарни қоплаш тўғрисида қабул 
қилиниши мумкин бўлган суднинг қарорини ижро этилишини 
таъминлаш бўйича чоралар кўриш. 
Бу мақсадларга қуйидаги 
вазифаларни 
бажариш орқали 
эришилади: 
- далилларни излаш, тўплаш ва текшириш; 

---

123 
- зарур ҳолларда процессуал мажбурлов чораларини қўллаш, 
айбланувчининг ҳимояга бўлган ҳуқуқини таъминлаш; 
- жиноят ишини судга ўтказиш ёки жиноят ишини тугатиш.