А. Пирматов, С. Л. Матисмаилов, Қ.Ғ

Йигириш машиналарига техник хизмат кўрсатиш, уларни 
таъмирлаш. 
Йигириш машиналарга қуйидаги техник хизматлар кўрсатилади: 
1.
Ҳар сменада йигирувчи машинани тозалаб туради.
2.
Бир ҳафтада ҳар бир машина тўхтатилиб, тозаланади. Бу ишни 
тозаловчи бригада бажаради. 
3.
Машиналар яхшилаб мойланади. 
4.
Машина профилактик таъмир килинади. Бу ишни ойига бир марта 
уста ѐрдамчиси бажаради. Машина профилактик таъмирдан 
чиққандан кейин уни смена устаси қабул қилиб олади ва 
бажарилган ишларнинг сифатини баҳолайди. 
5.
Жорий таъмир бош механик ҳузуридаги махсус таъмир бригадаси 
томонидан бажарилади. Ҳар бир машина тўрт ой мобайнида бир 
марта жорий таъмирланади. Жорий таъмир махсус график асосида 
бажарилади. Машина таъмирга тўхтатилмасдан олдинги унинг 
ҳолати текширилади, таъмир учун тайѐргарлик кўрилади. Жорий 
таъмир пайтида машинадаги ҳамма камчиликлар тузатилади. 
Таъмирдан сўнг машина уч смена давомида бузилмасдан ишласа, 
машина сифатли таъмир қилинган ҳисобланади ва уни смена 
устаси, уста ѐрдамчиси ва машинада ишловчи ишчилар қабул 
қилиб олишади. Ишлаб чиқарилаѐтган маҳсулотнинг сифати 
лабораторияда мунтазам текшириб турилади. 
6.
Мукаммал таъмир икки йилда бир марта ўтказилади ва махсус 
график асосида амалга оширади. Мукаммал таъмирда машинанинг 

---

271 
ҳамма механизм ва деталлари чиқариб олинади, ватерпас ва чизғичлар 
ѐрдамида машина асосининг горизонталлиги текширилади. Кейин 
ҳамма механизм ва деталлар қайтадан текширилиб, ўрнига қўйилади ва 
созланади. Машина яхшилаб мойланади ва юргизиб юборилади. 
Машина бир ҳафта давомида бузилмасдан ишласа, у сифатли таъмир 
қилинган ҳисобланади ва уни смена устаси цех бошлиғи билан бирга 
кабул қилиб олишади. Таъмирлаш бўлимининг бошлиғи, устаси ва 
таъмирчилар машинани топширишга тайѐрлайдилар. 
Жорий ва мукаммал таъмирдан чиққан машиналарни қабул қилиб 
олишда нуқсонлар қайдномаси тузилиб, таъмир сифатига балли 
система бўйича баҳо берилади. Машина таъмирининг сифати фақат 
аъло ва яхши баҳоланиши керак. Агар машина ўрта баҳога 
таъмирланган бўлса, таъмирчилар уни қайтадан таъмирлашади.