Microsoft Word Bolalar nevrologiyasi end doc

Ekstrapiramida tizimini tekshirish usullari
va uning zararlanish 
belgilarini bolalarda aniqlash juda qiyin vazifa hisoblanadi. Undan tashqari 
aniqlangan belgilarni bolalarda, ayniqsa bir yoshgacha bo‘lganlarda striopallidar 
tizimini funksional holatini e’tiborga olinmasa, hato xulosaga olib kelishi mumkin. 
Shuning uchun bolalarda ekstrapiramida tizimini tekshirishda bolani umumiy 
holatini, nevrologik belgilarini turg‘unligini va simmetrikligini e’tiborga olish 
zarur.
Chaqaloq bolalarni tekshirishda, bolani holatiga e’tibor beriladi. Qo‘l va 
oyoqlaridagi spontan harakatlariga, harakatlarning simmetrikligiga, kallasini, 
iyagini, qo‘l-oyoqlarini qaltirashiga, atetoid harakatlarga, tiklarga, 
miokloniyalarga, gipo, akineziyalarga, mushak gipotoniyasi yoki gipertoniyasiga 
diqqatni jalb qilinadi.
Odatda chaqaloq bolalarda boshni, bo‘yinni orqaga tortadigan, qo‘llarini 
bukuvchi mushaklarining tonusi birmuncha baland bo‘ladi.
Bolalarda haqiqiy mushaklar rigidligi ham bo‘ladi. Akineziya va mushaklar 
rigidligi bolalarda parkinsonizm sindromida bosh miya po‘stlog‘ining diffuz 
zararlanganida, miya ustunini reflekslari ustun turish hisobiga kuzatiladi. Mutizm 
va akinetik sindromi miya ustunini, Silviy suv yo‘li sohasini jarohatlanganidan 
guvohlik beradi. Yosh bolalarda gipotoniya va giperkineziyalar ko‘proq revmatik 
polioensefalitda kuzatiladi.

---

 95
VI BOB 
KOORDINATOR TIZIM: TUZILISHI, VAZIFASI, TEKSHIRISH 
USULLARI, PATOLOGIYASI VA ZARARLANISH SINDROMLARI 
Miyacha ontogenez davrida rombsimon miya pufagini orqa devoridan 
taraqqiy etadi, shuning uchun miya so‘g‘onini orqasida, bosh miyaning ensa 
bo‘lagi ostida joylashib, undan miyachani chodiri (tentorium cerebelli) bilan ajralib 
turadi. Miyacha bola tug‘ilish davrida 50 grammga, katta odamda esa 150 
grammga teng. Miyacha ellipsoid yoki qo‘ziqorinsimon shaklga ega bo‘lib, uning 
uchta: tepa, past va oldingi yuzalari bor. Oldingi yuzasi 4-qorinchani tomini tashkil 
qiladi va uni ko‘rish uchun miyachani miya so‘g‘onidan ajratish kerak. Miyacha 
ikkita – chap va o‘ng yarim sharlar va ularni biriktirib turuvchi o‘rta qismi –
chuvalchangdan iborat.