Microsoft Word Bolalar nevrologiyasi end doc

11- rasm. 
Miya so‘g‘oninig orqa sathi.
1. Ko‘ruv do‘ngligini yostiqchasi 
2. Yuqorigi tepalik 
3. Pastki tepalik 
4. Ponasimon o‘zakning do‘mboqchasi 
5. Nozik o‘zakning do‘mboqchasi 
6. Lateral tizzasimon tana 
7. Medial tizzasimon tana 
8. Miya oyoqchasi 
9. Til osti nervi uchburchagi 
10. Adashgan nerv burchagi 
Nozik tutam medial joylashib, yuqoriga qarab kengaya boradi va nozik 
tutam bo‘rtig‘ini (tuberculum gracile) ni hosil qiladi. Uning tashqarisida esa–
ponasimon bo‘rtiq (tuberculum cuneatum) joylashgan. Bu bo‘rtiqlarda chuqur 
sezgining o‘tkazuvchi yo‘lining ikkinchi neyronlari joylashgan.
Uzunchoq miyaning orqa yuzasining yuqori qismi rombsimon 
chuqurchaning pastki uchburchagini hosil qiladi. Uning pastki burchagida 
joylashgan Majandi teshigi orqa miyaning markaziy kanaliga o‘tadi. Pastki 
uchburchak yuqorisidan eshituv iplari (stria acustici) bilan ajralib turadi, yon 
devorlari esa arqonsimon tolalardan tashkil topgan.
Pastki uchburchakni tubida til osti nervining o‘zagi (nucleus nervi 
hypoglossi), uning tashqarisida chuqurlik bo‘lib, unda adashgan nervning sezuvchi 
o‘zaklari joylashgan (nucleus ala cinerea). Yon burchaklarda eshituv nervining 
o‘zaklari joylashgan (nucl.n.vestibulocochlearis).
 
Uzunchoq miyaning ko‘ndalang kesimi 
Kesilgan yeriga qarab turli xil tuzilishga va ko‘rinishga ega. Agarda 
uzunchoq miyaning eng pastki qismini kesib ko‘rsak, uning tuzilishi xuddi orqa 
miyaga o‘xshab ketadi. Ammo bu kesmada faqat orqa miyaning kulrang moddasi 
qoldig‘ini uchratish mumkin. Oldingi shoxlarning tashqi qismidan orqa miyaning I 
bo‘yin ildizlari boshlanadi. Oldingi shoxning asosida joylashgan akson hujayralari 
XI juft bosh miya nervining ildizini tashkil qiladi. Orqa shoxlarning tashqi tomoni 
ro‘parasidan V juft bosh miya nervining orqa miya yo‘li o‘zagi o‘tadi.
Shu soha asosida piramida yo‘lining kesishmasini ko‘rish mumkin. 
Kesmaning yon qismini yuqoriga va pastga yo‘naluvchi yo‘llar (spinotalamik, 
rubro-spinal, Fleksik, Govers tutamlari egallab turadi. Orqa qismida esa nozik va 
ponasimon tutamlar joylashgan. 
Piramida kesishmasi sohasidagi uzunchoq miyaning ko‘ndalang kesmasi).

---

 25