Microsoft Word Bolalar nevrologiyasi end doc

 
Diffuz aralashgan MRT 
Suvning molekulalari doimo Broun harakatida bo‘ladi va diffuzli jarayonga 
olib keladi. MRT o‘tkazish vaqtida pulslik magnit maydonini tashkil qilish diffuz 
jarayonning o‘rganishiga olib keladi. Diffuziya darajasi farqini ajratish tashhisda 
fazolik siljish va bu beriladigan signallarni turli zonalarga o‘zgarmagan, oshgan va 
pasaygan diffuziya sifatida qaraladi.
Diffuz holati kuchayib-kamayishi suv molekulalarining boshqa organik 
molekulalar bilan aloqasiga, birikmani harakatiga, tashqi muhitni rN, hujayra 
membranasining o‘tkazuvchanligiga, hujayra ichi, tashqarisidagi suyuqlikka 
bog‘liq. Diffuz jarayonning holati diffuziyani nazorat etuvchi koeffisent (apparent 
diffusion coefficient) – KND va diffuz konstantaa Deff bilan o‘lchanadi. Bu usul 
80 yillarni oxiridan boshlab qo‘llanib kelmoqda. Hozirgi kunda ishemik 
jarayonlarda to‘la-to‘kis o‘rganilgan.
Funksional MRT 
Neyronlarning faolligi miyada qon aylanishi to‘g‘ri va lokal o‘zgarishlariga 
va qonni kislorod bilan ta’minlanishini o‘zgarishiga ta’sir ko‘rsatadi. Mazkur 
fiziologik o‘zgarishlar bosh miyaning funksional faolliligiga doir karta tuzishda 
qo‘llanilishi mumkin. Eksperimentlar seriyalari to‘qima perfuziyasining 
xususiyatlari va gemoglabinning shakli T1 va T2 relaksatsiyalarinng 
paramertlariga ta’sir ko‘rsatadi. Oksigemoglobin diamagnitlangan holda, kislorod 
atomlarini bergandan so‘ng paramagnit dezoksigemogloblinga o‘tadi. Qonda 
dezoksigemoglobinning paramagnit molekulasi bo‘lishi magnit gomogen 
bo‘lmagan sharoitni tashkil qiladi va magnit qabul qilish borasida qon tomirlar va 
tashqi to‘qima orasida farq paydo qiladi. Magnit qabul qilishdagi farq qon tomir 
ichidagi suv molekulalari va tashqi to‘qimada “seziladi” exogradienti rejimida 
signal kuchini pasayishi holatida namoyon bo‘ladi. Bu holat fiziologik kontrastlik 
deb ataladi va qonning oksigenlashuviga bog‘liq deb hisoblanadi. Funksional MRT 
miyada qon aylanishini aniqlovchi bosh miyaning aktivligini belgilovchi boshqa 
usullardan o‘zini o‘ta ustunligi bilan farq qiladi. Bu usulni bemorda bir necha 
marta qaytarish mumkin va tekshiruvchi a’zo haqida jamlangan o‘ta aniq ma’lumot 
olish mumkin.
Funksional MRT klinika amaliyotida bosh miyaning funksional faolligiga 
karta tuzishda qo‘llanadi va patologik jarayonga uchragan to‘qima funksiyasini 
tiklanish mexanizmini va kasallikni prognozini aniqlab beradi.

---

 170