1-БЎлим. Бахтли ҳаёт асослари бахтнинг баҳоси қанча?

АЁЛ МАКРИ 
Бир киши йўлда кетаѐтиб, бир қудуқ ѐнида турган аѐлга дуч келди. Киши унга яқинлашди. Аѐл 
қўрқиб кетди. Шунда эркак деди: 
– Қўрқма! Сендан бир нарсани сўрамоқчиман: аѐл макри нима? 
Аѐл бир оз ўйланиб турди-да, дод солиб йиғлай бошлади. Унинг овозини бутун қишлоқ 
эшитди. Эркак қўрқа-писа аѐлдан нега бундай қилганини сўради. Аѐл: 
– Овозимни қишлоқ аҳли эшитиб, бу ерга келишсин, сени ўлдиришсин деб шундай қилдим, – 
деди. 
Эркак: 
– Сендан макр ҳақида сўрадим, холос! Ёмон ниятда бирор гап айтдимми? – деди. 
Шунда аѐл ўрнидан турди-да, бир челак сувни устидан қуйди. Эркак бу ишдан ажабланди. 
Ундан нега бундай қилганини сўради. Аѐл энди гапирмоқчи эди, қишлоқ аҳолиси келиб қолди. Эркак 
улардан қўрқди, “Булар ҳозир мени ўлдиришса керак”, деб ўйлади. 
Аѐл қишлоқ аҳлига: 
– Сув олмоқчи бўлиб қудуққа энгашгандим, бехос унга тушиб кетдим. Бу одам мени қутқарди, 
– деди. 
Одамлар бояги кишига ташаккур айтиб, унга кўп совға-саломлар беришди. Эркак аѐлдан нега 
бундай қилганини сўради. 
– Аѐл макри мана шунақа бўлади. Агар унга озор берсанг, сени ҳалок этади. Агар рози бўлса, 
сени бахтли қилади, – деб жавоб берди аѐл
53
. 
СУЮКЛИ АЁЛ БЎЛИШНИНГ 12 УСУЛИ 
Дунѐда турмуш ўртоғининг муҳаббатига сазовор бўлишни истамайдиган аѐл бўлмаса керак. 
Чунки бахтнинг асосий мезони эр-хотин ўртасидаги меҳр-муҳаббатдир. Қолаверса, икки дунѐ 
саодатига эришмоқчи бўлган солиҳа аѐл биринчи галда эрининг юксак севгисига сазовор бўлади. 
Қуйидаги тавсиялар аѐлларнинг бахтга эришишларида кўмаклашади. 
1. Тингланг, итоат этинг. 
Эрига итоат этиш – фарз. Сизнинг умр йўлдошингиз – оила бошлиғи. Унга ана шу туйғуни ҳис 
этиш имконини беринг. Шунда ҳурмат қозонасиз. 
2. Эрингиз мол-мулкини, уй-жойини кўз қорачиғидек асранг. Чунки унинг мулки сизнинг 
мулкингиз. 
3. Бирон жойга борсангиз, албатта эрингиздан рухсат сўранг. Изнсиз остона хатлаб кўчага чиқа 
кўрманг. Чунки эрингиз сизга жавобгар. 
4. Эрингиз учун жозибали бўлинг. 
Аллоҳ таоло барча аѐлларни эрлари учун пардоз-андоз қилишга, доим гўзал, покиза, ораста 
бўлиб юришга буюрган. Аллоҳ амр этганидек, эрингиз юрагини забт этиш учун чиройингизни ишга 
солинг. Бегона эркаклар эътиборини тортишга уринманг. 
52
Манба: www.muxlis.uz 
53
Манба: www.hidoyat.uz 

---

72 
5. Яхши кайфият билан қарши олинг. 
Тасаввур қилинг: эрингиз ишдан қайтди. Қаршисида саранжом-саришта уй, ширин калом, яхши 
кайфият билан кулиб қарши олган гўзал аѐли, севиб истеъмол қиладиган мазали таомлар, ақлли 
фарзандлар. Шунда ҳам эрингизда салбий муносабат кузатилармикан?! 
6. Уйингизда зеб-зийнатга бурканинг, эрингиз учун безанинг. 
Барча аѐллар болалигидан нафис сирғалар, билакузуклар тақади, чиройли кийимлар кияди. Ана 
шу одатни энди уйингизда давом эттиринг. Бу, эрингизга маъқул келади. 
7. Ҳазиллашинг, кайфиятини кўтаринг, эрингизнинг жинсий эҳтиѐжини қондиришга ҳаракат 
қилинг. 
8. Оиласи учун қилаѐтган барча эзгу ҳаракатлари, меҳнатлари учун миннатдорчилик билдириб 
туринг. 
Жаннатий аѐлнинг безаги эрини доимий қўллаб-қувватлаш, оиласи фаровонлиги учун 
қилаѐтган ишларига ижобий баҳо бериш, раҳмат айтишдир. Зеро, эрининг топганига қаноат қилиш, 
унга миннатдорчилик билдириш аѐлнинг саодат калитидир. 
9. Оилавий сирларни, жинсий ҳаѐт билан боғлиқ ишларни зинҳор кўчага олиб чиқманг. Бундай 
гаплар эр-хотин ўртасида қолсин. Бу, оила мустаҳкамлигида жуда муҳим саналади. 
10. Баҳс пайтида, айбингиз бўлмаса-да, “Кечиринг”, “Узр” дейишни лозим тутинг. 
Ҳар бир хонадонда келишмовчилик, қўйди-чиқдилар бўлиб туради. Бу – табиий ҳолат. Ана 
шундай пайтда баҳслашманг, оловга мой сепманг, вазиятни кутинг, “Кечиринг, жаҳлингизни 
чиқардим. Илтимос, баҳслашмайлик, дадаси”, десангиз, олам – гулистон. 
11. “Жаннат калити” бўлган эрингиз кўнглини олишга доим ҳаракат қилинг. 
12. Никоҳингиз мустаҳкам, оилавий муносабатларингиз яхши бўлишини Аллоҳдан сўранг
54
.