1-БЎлим. Бахтли ҳаёт асослари бахтнинг баҳоси қанча?

БОШҚОРОНҒИЛИКДА ЎЗИНИ ҚАНДАЙ ТУТИЛАДИ? 
Бошқоронғилик аѐл ҳомиладорлигининг илк даврида намоѐн бўладиган ҳиссий ҳолатдир. 
Кўнгил айниши, муайян нарса ҳидини ѐки таомни ѐқтирмаслик, маълум овқатлар, кўпинча 
нордон таомлар ейишни исташ бошқоронғилик белгиларидир. 
Бошқоронғиликнинг эр-хотин иноқлигига, ўзаро алоқаларидаги жозибага таъсири борми? 
Бошқоронғиликнинг ҳомиладор аѐл мизожига, кўнгли ўзгаришига, асабларига, жисмига таъсир 
кўрсатиши сир эмас. Бошқоронғилик аѐл истакларида, кўп ҳолларда эри билан муносабатларида акс 
этади. Ҳомиладор аѐл баъзан эрининг ҳидини ѐқтирмайди, эри унга яқинлашганида нафратланади. Бу, 
эрини ѐмон кўрганидан эмас, балки мизожи ўзгарганидан, безовталигидан бўлади. Аѐл бу ҳолда ўз 
туйғуларини бошқаролмайди. Шунинг учун бу ҳолатдан эсон-омон ўтиб олгунича аѐлнинг аҳволини 
ҳисобга олиш, унга ғамхўрлик қилиш лозим. 
Ақлли, зийрак эр хотини бошқоронғи бўлганини билгач, унга кўп юмуш буюрмайди, юмшоқ 
муомалада бўлади, аѐли оромини ҳисобга олади, ҳолатини тушунади, унга машаққат туғдирмайди
37
. 
ЭР-ХОТИН МУНОСАБАТЛАРИ ҲОМИЛА САЛОМАТЛИГИГА ТАЪСИР 
ҚИЛАДИМИ? 
Эр-хотин ўртасидаги сурункали низолар, уруш-жанжаллар, онанинг тез-тез асабийлашиши, 
тушкунликка тушиши, шунингдек, ўзини тинчлантириш мақсадида қабул қилинган дорилар, спиртли 
ичимликлар она қорнида шаклланаѐтган ҳомила саломатлигига салбий таъсир кўрсатади. Шунинг 
учун ҳомиладор аѐл ҳамда унинг атрофидагилар нафақат ўзлари учун, балки энди шаклланаѐтган 
ҳомила – келгуси авлод давомчиси учун ҳам масъулиятни ҳис этишлари лозим. 
Ҳомиладор аѐлни турли стресс ҳолатларидан сақлаш, манзарали, табиати гўзал жойларда 
кўпроқ сайр қилишини таъминлаш, унинг асаб тизими тинч бўлишига эътибор бериш айни муддао. Бу 
тавсия, аввало, ҳомиладор аѐлнинг ўзига тегишли. Нега десангиз, ҳомила саломатлигига энг асосий 
масъул шахс айнан онадир. Шуни яхши англаб етган оқила она фарзанди саломатлигини сақлаш 
кераклигини билади, ҳомилани турли зарарли омиллардан кўз қорачиғидек асрайди
38
.