1-БЎлим. Бахтли ҳаёт асослари бахтнинг баҳоси қанча?

БЕФАРЗАНДЛИК СИНОВМИ ЁКИ ЖАЗО? 
Юқорида айтилганидек, Аллоҳ хоҳлаган бандасига қиз, хоҳлаганига ўғил фарзанд беради. Бу, 
Унинг хоҳишига боғлиқ. Хоҳлаган бандаларига ўғил-қизларни аралаштириб беради. Яна баъзи 
бандаларини – Ўзигагина маълум ҳикматга кўра – фарзандсиз қилиб қўяди. 
Мазкур оятда фарзанд бериш Аллоҳнинг иродасига боғлиқ экани, кишининг бепуштлиги Аллоҳ 
тақдири билан бўлиши айтилмоқда. Эътибор қилсак, Аллоҳ ѐмон кўрган бандасига қиз беради ѐки уни 
бепушт қилиб қўяди, дейилаѐтгани йўқ. Аслида солиҳ кишилар, ҳатто баъзи пайғамбарлар орасида 
ҳам фақат қизи борлар, фарзандсизлари ҳам бўлган. Бундан чиқди, фарзандсизлик жазо эмас, бир 
имтиҳон, холос. Бу имтиҳонга айнан қандай тоифалар лойиқ кўрилиши ѐлғиз Яратганга аѐн. 
Банда оила қурар экан, Аллоҳдан солиҳ фарзанд сўрайди. Аллоҳ берса, шукр қилиб болаларини 
яхши тарбиялайди. Борди-ю унга фарзанд берилмаса, тақдирдан нолимасдан қазои қадарга рози 
бўлади. Зотан, Аллоҳ бандасига нима фойдали эканини ўзидан кўра яхшироқ билади. 
Шунинг учун, нима бўлган тақдирда ҳам, мўмин банда Аллоҳнинг иродасига бўйсунади. Шу 
билан бирга, дуо қилиб солиҳ фарзанд сўрайди. Яна керакли муолажалар олиб, чора-тадбирлар кўриб, 
сабабларни ҳам юзага келтиради. 
ЭРКАКЛАРДАГИ БЕПУШТЛИК САБАБЛАРИ 
Бефарзандликнинг юзлаб сабаблари мавжуд. Умуман олганда, бепуштликка қуйидагилар 
кўпроқ сабаб бўлади: 
1. Турли туғма касалликлар, ирсий хромосом бузилишлар, соматик мутациялар, Клайнфельтер 
синдроми. 
2. Жинсий аъзолар ривожланишидаги нуқсонлар. 
40
Манба: Муҳаммад Шариф Жуман, Аҳмад Муҳаммад, “Динда саволим бор”, 351-352-бетлар. 

---

57 
3. Ички секреция безлари касалликлари, қандли диабет, гипофизар етишмовчилик, буйрак усти 
бези, қалқонсимон без касалликлари. 
4. Зино (фаҳш, бузуқ ишлар) натижасида келиб чиқадиган хасталиклар. 
5. Мояк, уруғ йўллари шикастланиши. 
6. Асперматизм – олат таранглашса-да шаҳват сувининг умуман чиқмаслиги. 
7. Руҳий омиллар: мижоз сустлиги, уруғ тез тўкилиши ѐки келиши ўта қийинлиги. 
8. Ўта семизлик ѐки ҳаддан зиѐд ориқлик. 
9. Сиқилиш, ғам-ташвиш, беҳоллик. 
10. Экологик бузилишлар, кимѐвий таъсирлар, радиация. 
11. Доимий иссиқ шароитда ишлаш, касбга алоқадор турли салбий таъсирлар. 
12. Ичкиликбозлик, нашавандлик, кашандалик. 
13. Эр-хотин жинсий ҳужайралари иммунологик номуқобиллиги ѐки вужуддаги аутоиммун 
низо. 
14. Овқатланиш жараѐнидаги етишмовчиликлар. 
15. Ёш келин-куѐвлар тажрибасизлиги ва ҳоказолар
41
.