Бизнес ва мулокот конунлари аюпов Равшан Хамдамович

Сизга ҳаётингизда рухий сокинлик ва бахт келтирадиган асосий 
қоидалар ҳам қуйида келтирилади
: 

Бизнинг ҳаётимиз маъноси биз у ҳақда фикрлашимиз асосида пайдо 
бўлади. Сиз ўзингиз фикран яратган инсон эмассиз, балки қандай қилиб 
ўйлаганнингиз билан аниқланадиган инсонсиз. Атроф-муҳитга ижобий 

---

Аюпов Равшан Хамдамович 
36 
ёндошишга ўрганинг. Ўз муаммоларингизни ҳал қилиш ҳақида ҳам 
унутманг, аммо улар ҳақида жудаям безота бўлманг. Аксарият 
холларда безовта бўлмоқлик айлана бўйича доимий юришни англатиб, 
инсонни анча толиқтириб қўяди. Бундан қутулиш учун фикрлаш 
тарзимизни ўзгартиришимиз лозим бўлади. 

Бошқалар билан ҳисоб-китоб қилиб олишга интилиш жуда қимматга 
тушади. Агар биз душманларимизни жуда ҳам ёмон кўрсак, уларга 
бизнинг устимиздан ҳукмронлик қилишга имкон берган бўламиз. 
Шунинг учун ҳам улар бизнинг уйқумизни безовта қиладилар, 
иштаҳамизни бўғадилар, қон босимимизнинг кўтарилишига сабаб 
бўладилар, соғлигимизга тахдид қиладилар ва бахтимизга раҳна 
соладилар. Бизнинг уларни ёмон кўришимиз уларга ҳеч қандай зарар 
келтирмайди, аммо бу ҳолат бизнинг кун ва тунимизни ҳамда 
ҳаётимизни издан чиқаради. Шунинг учун Сиз ўзингиз ёмон кўрадиган 
инсонлар ҳақида ҳеч қачон бир лаҳза ҳам ўйламанг.

Миннатдорчилик кутманг, чунки уни кутсангиз, миннатдорчилик 
билдирилмагани учун хафа бўлиб қолишингиз мумкин. Бахт 
яратишнинг бирдан-бир усули – ўзингизга таскин бериш ва бундан 
қувонишингиз учун яхшилик қилиш ва яхши нарсалар яратишдир.

Сизда бор нарсалар ҳақидагина ўйланг ва зинҳор ўзингизда йўқ 
нарсалар ҳақида безовталанманг. Ўз омадсизлигингизни эмас, 
омадингиз келган лаҳзаларингизни ҳисобланг. Бошқаларга ўхшашга 
уринманг – ўзлигингизни топинг ва ўзингиз билан ўзингиз бўлинг. 
Сизга хос бўлган салбий хусусиятларни ижобийларга айлантиришга 
ҳаракат қилинг. Агар тақдир Сизга лимон берса, уни лимонадга 
айлантиринг. 

Агар Сиз меланхолик бўлиб қолиб, ўзингизнинг муаммоларингиз билан 
ўралашиб қолган бўлсангиз, ўзингиз ҳақингизда унутинг ва 
атрофингиздаги инсонларга қизиқиш уйғотинг. Ҳар куни кимнингдир 

---

Аюпов Равшан Хамдамович 
37 
чеҳрасида қувончли табассум уйғотадиган қандайдир яхши нарсалар 
қилишга интилинг.