Бизнес ва мулокот конунлари аюпов Равшан Хамдамович

4.Соғлом ва муваффақиятли яшаш сирлари 
Уялма маърифатни ўрганурдин, 
Танур жойинг бўлур қолсанг танурдан. 
«Саботул ожизийн» дан
Соғлом ва муваффақиятли ҳаёт кечиришга ҳалақит берувчи ҳамда инсон 
ҳаётини батамом издан чиқариши мумкин бўлган безовталик ҳамда ундан 
қутулиш ҳақида хар бир тадбиркор ва ҳар бир кимса билиши лозим бўлган 
асосий далилларни қуйида кўрсатиб ўтишга ҳаракат қиламиз: 
А) Бугунги кун билан яшанг. Эртаги кунга тайёрланишнинг энг яхши йўли 
– бугунги кундаги ишларни амалга ошириш учун барча кучларни ва 
имкониятларни ишга солишдир. Барча ишларни бир вақтда қилишга 
интилманг. 
Б) Безовталик келтирувчи вазиятдан чиқишга имкон берувчи сеҳрли 
формулани қуйидагича кетма-кетликда тушунтириш мумкин:

---

Аюпов Равшан Хамдамович 
33 

Ҳолатни таҳлил қилинг ва Сиз кутишингиз мумкин бўлган энг ёмон 
ҳолатларни аниқланг; 

Ушбу ҳолатда рўй бериши мумкин бўлган энг ёмон вазиятни 
англагандан сўнг унга тан беринг ва бўшашинг; 

Ўзингизни босиб олиб ва мувозанатни сақлаб қолгандан сўнг, энг ёмон 
ҳолатдан 
чиқиш 
йўлларини 
ахтаринг, 
барча 
кучингиз 
ва 
имкониятингизни ўзингизни ўнглаб олиш учун жалб қилинг; 

«
Ҳақиқий ва туб маънодаги қалб мувозанатига энг ёмон ҳолат билан 
келишилгандан сўнг эришилади
» (
Хитой файласуфи Лин Ю-Ган
) – 
деган фикрга риоя қилинг.
Безовталикни таҳлил қилишга имкон берадиган асосий усуллар 
сифатида қуйидагиларни кўрсатишимиз мумкин
: 
А) Безовталик муаммосини таҳлил қилиш ва уни муваффақиятли равишда 
ҳал қилиш учун аввало далилларни тўплаш керак. Далилларга эга бўлмасдан 
бирор бир ҳулоса чиқариш мумкин бўлмайди. Довдираб қолиш кўпинча 
безовталикнинг асосий сабабларидан бири бўлади. Агар Сизнинг олдингизда 
муаммо турган бўлса ва уни 
N
-кунда ҳал қилишингиз лозим бўлса, муаммони 
ўша куниёк бирданига ҳал қилишга уринманг ёки уни ўша кун келгандагина 
ҳал қиларман ҳам деманг. Бунинг ўрнига бу муаммо билан боғлиқ 
далилларни бирма-бир йиғинг, уларни таҳлил қилинг ва асло безовталанманг. 
Шунда муаммони ҳал қилиш керак бўлган кунга келиб, одатда муаммо ўз-
ўзидан ҳал бўлиб қолади.
Маълумот йиғаётганда уни ўзингиз учун эмас, балки бирор бир кимса 
учун йиғаётгандек фараз қилинг, шунда бу жараёнга ақл ва вазминлик билан 
ёндошасиз. Бу ёндошув эса эмоцияларга ҳамда хиссиётларга берилмасликка 
асос яратади. Маълумот йиғаётганда ўзингизга ва Сизнинг истакларингизга 
қарши бўлган далилларни йиғишга ҳаракат қилинг – бу муаммога тўғри 
ёндошишни таъминлайди. Бу муаммо билан боғлиқ, уни қўллаб-
қувватлайдиган ва унга қарши бўлган барча маълумотларни ёзиб олинг ҳамда 

---

Аюпов Равшан Хамдамович 
34 
шулар асосида тегишли хулосалар чиқаринг: ҳақиқат уларнинг ўртасида 
бўлиши мумкин. 
Муаммони яхшилаб аниқлаб ва ифодалаб бўлгандан сўнг, қуйидаги 
саволларга жавоб беринг: 

Мен нима ҳақида безовталанаяпман? 

Уни ҳал қилиш учун нималар қилишим мумкин? 

Қарор қабул қилиш; 

Зудлик билан бу қарорни амалга ошириш. 
Б) Агар ҳизмат жойингизда муаммолар келиб чиқса, у холда ишхонадаги 
50% безовталикни даф қилиш учун бу муаммони юзага келтирган 
ҳизматчидан қуйидаги тўрт саволга жавоб беришини сўранг: 

Муаммонинг моҳияти нимада? 

Муаммо нималар орқали юзага келган? 

Муаммони ҳал қилишниг қандай имкониятлари мавжуд? 

Сиз муаммони ҳал қилиш учун қандай ечим таклиф қиласиз?