Бизнес ва мулокот конунлари аюпов Равшан Хамдамович

Безовталик Сизни енгунча уни енгиш ва безовталикни қалбингиздан 
қувиб чиқариш учун қуйидагиларга риоя қилиш зарур бўлади: 
А) Қалбингиз истаган фаолият турини танланг ва шунда Сиз учун 
безовталикка вақт қолмайди. Майда-чуйда ҳодиса, далил ва шунга ўхшаш 
нарсалар Сизни ҳароб қилишига йўл қўйманг. Далилларни ўрганинг ва 
ўзингиздан сўранг: “
Катта сонлар қонунига кўра мен безовта бўлаётган 
ҳодиса қачонлардир руй берадими ёки йўқми?
”.
Б) Сизсиз ҳам руй берадиган ҳодисалар билан келишинг. Ҳар қандай 
бахтсизлик ва унинг оқибатларидан қутулишнинг биринчи ва илк қадами 
худди шудир. Ички кечинмаларни яширинг, ўзингизни қўлга олинг ва 
жилмайинг. Янги дўстлар ахтаринг ва янги интилиш ҳамда қизиқишлар 
топинг. Билингки, бахтсизлик қандайдир бир ҳодисадан эмас, балки уни 
қандай қилиб қабул қилишдандир. Агар бу ҳолатни енгиш учун заррача 

---

Аюпов Равшан Хамдамович 
35 
имконият бор экан, ақл-заковат ва куч-кувватингизни ишга солиб, курашинг. 
Америкалик таниқли тадбиркор Генри Форд ҳам бундай ҳолатлар ҳақида 
“
Агар мен ҳодисаларни бошқара олмасам, уларни ўз-ўзини бошқаришига 
имкон бераман
” – деган экан.
В) Безовталикка қандайдир чегара қўйинг, шунда ўйлаганингиздан кўра 
каттароқ йўқотишлардан ўзингизни ҳомоя қилган бўласиз. Масалан, Сиз $50 
га акция сотиб олдингиз, унга $45 лик чегара қўйишнинг маъноси – агар 
унинг нархи $45 дан пасайиб кетса, уни дарҳол сотиб юбориш кераклигини 
англатади. Сизнинг йўқотишингиз бор-йўғи $5 ни ташкил қилади. Акс холда 
ундан ҳам кўпроқ йўқотишларга дучор бўлишингиз мумкин. Агар Сизда 
ҳеч қандай имконият қолмаган ишни ўжарлик билан давом эттириш истаги 
хосил бўлса, ўз-ўзингизга қуйидаги учта саволни беришингиз керак: 

Ҳозир мен безовта бўлаётган нарса ёки ҳолат менинг ҳаётимда 
қанчалик муҳим ва қандай ўрин тутади? 

Бу безовталикни унутиш учун унга қандай чегара қўйиш мумкин? 

Бу менга қанчага тушади ва мен бунинг учун нимадан воз кечишим 
керак бўлади? 

Бунинг учун каттароқ тўлов тўламадимми ва у ҳақиқатан ҳам шунча 
турадими? 
Г) Ўтмишни тезроқ унутинг. Келажакдан фойдаланишнинг бирдан-бир 
усули бор, у ҳам бўлса ўтмишдаги хатоларимизни сокин равишда таҳлил 
қилиш ва бу хатоларни кейинчалик қайтармаслик ҳамда эртага улар ҳақида 
тамоман унутиш. Амалга ошган далиллар ёки ўтмишдаги хатолар ҳақида 
қанчалик ўйласак ва афсус қилсак ҳам, уларни ҳеч қачон ўзгартира олмаймиз.