Koxonalar faoliyatida bankrotlik amaliyoti va uning tashkiliy xususiyatlari

bankrotlik 
(iqtisodiy nochorlik) - xoʻjalik sudi tomonidan e’tirof etilgan, 
qarzdorning pul majburiyatlari boʻyicha kreditorlar talablarini toʻla hajmda 
qondirishga va (yoki) majburiy toʻlovlar boʻyicha oʻz majburiyatini toʻla hajmda 
bajarishga qodir emasligi;
kelishuv bitimi
- taraflarning sud nizosini oʻzaro yon berish asosida tugatish 
toʻgʻrisidagi bitimi;
kreditorlar 
- qarzdor pul majburiyatlari boʻyicha va (yoki) majburiy toʻlovlar 
majburiyatini bajarish boʻyicha qaysi yuridik yoki jismoniy shaxs oldida javobgar 
boʻlsa, ayni shu yuridik yoki jismoniy shaxslar (qarzdor qaysi fuqaroning hayoti yoki 
sogʻligʻiga zarar etkazilganligi uchun javobgar boʻlsa, ayni shu fuqaro, shuningdek oʻz 
ishtirokidan kelib chiqadigan majburiyatlar boʻyicha qarzdor yuridik shaxsning 
muassislari (ishtirokchilari) bundan mustasno);
kreditorlar yigʻilishi (kreditorlar qoʻmitasi) vakili - 
bankrotlik toʻgʻrisidagi 
ishda ishtirok etishiga kreditorlar yigʻilishi yoki kreditorlar qoʻmitasi tomonidan 
vakolat berilgan shaxs; 
kuzatuv 
-
 
xoʻjalik sudi tomonidan qarzdor yuridik shaxsga nisbatan uning mol-
mulki but saqlanishini ta’minlash, qarzdorning moliyaviy ahvoli tahlilini oʻtkazish 
maqsadida qarzdorni bankrot deb topish toʻgʻrisidagi ariza qabul qilingan paytdan 
e’tiboran keyingi taomilga qadar qoʻllaniladigan bankrotlik taomili; 
majburiy toʻlovlar
- davlat byudjetiga va davlat maqsadli jamgʻarmalariga 
toʻlanadigan soliqlar va boshqa majburiy toʻlovlar; 
moratoriy
- qarzdor yuridik shaxs tomonidan pul majburiyatlari va (yoki) 
majburiy toʻlovlar majburiyati bajarilishini toʻxtatib turish;
pul majburiyati
- qarzdorning fuqarolik-huquqiy shartnomasi boʻyicha hamda 
qonun hujjatlarida nazarda tutilgan boshqa asoslarga koʻra kreditorga muayyan pul 
summasini toʻlash majburiyati;