Byudjet hisobi va nazorati

7.5. Byudjet tashkilotlarida yuritiladigan hisob hujjatlari hamda registrlari 
shakllari.
Byudjet tashkilotlarida buxgalteriya hisobi memorial order shaklida olib boriladi. 
Tekshirilgan va hisobga olish uchun qabul qilingan hujjatlar sanasi bo‘yicha 
tartiblashtirilib, quyidagi doimiy raqamli memorial order — jamlanma qaydnomalar 
bilan rasmiylashtiriladi: 
1-memorial order – kassa muomalalari bo‘yicha jamlanma qaydnoma, 381-son 
shakl; 
2-memorial order – Byudjet mablag‘larining harakatiga doir jamlanma qaydnoma, 
381- shakl; 
3-memorial order – Byudjetdan tashqari mablag‘lar harakatiga doir jamlanma 
qaydnoma, 381-son shakl; 

---

119 
5-memorial order – ish haqi va stipendiyalar bo‘yicha hisob-kitob varaqalari 
yig‘indisi, 05-son shakl; 
6-memorial order – turli tashkilotlar va muassasalar bilan olib boriladigan hisob-
kitoblar bo‘yicha jamlanma qaydnoma, 408-son shakl; 
8-memorial order – hisobdor shaxslar bilan hisob-kitoblar bo‘yicha jamlanma 
qaydnoma, 386-son shakl; 
9-memorial order – asosiy vositalarning hisobdan chiqarilishi va joydan joyga 
ko‘chirilishi bo‘yicha jamlanma qaydnoma, 438-son shakl; 
11-memorial order – oziq-ovqat mahsulotlarining kirimiga doir jamlanma 
qaydnoma, 398-son shakl; 
12-memorial order – oziq-ovqat mahsulotlarining sarfiga doir jamlanma qaydnoma, 
411-son shakl; 
13-memorial order – materiallar sarfiga doir jamlanma qaydnoma, 396-son shakl; 
15-memorial order – ta’lim muassasalarida bolalarni saqlaganlik uchun ota-onalar 
bilan olib boriladigan hisob-kitoblar bo‘yicha qaydnoma, 406-son shakl.
5
Boshqa muomalalar (asosiy vositalarga eskirish hisoblash, asosiy vositalarni qayta 
baholash, Byudjetdan tashqari daromadlar hisobi, yilni yakunlash muomalalari va 
h.k.) va “Storno” muomalalari bo‘yicha alohida memorial orderlar tuziladi (274-son 
shakl) hamda ular har oy uchun alohida 16 raqamdan boshlab raqamlanadi. 
Buxgalteriya muomalalari hajmiga qarab jamlanma qaydnomalarni tuzish talab 
qilinmaydigan tashkilotlarda subschyotlar korrespondensiyasi alohida memorial 
orderlarda (274-son shakl) yuqorida keltirilgan doimiy raqamlar berilib ko‘rsatiladi. 
Alohida memorial orderlar muomalalarning sodir bo‘lishiga qarab, ammo 
boshlang‘ich hisob hujjatlari olingandan keyingi kundan kechiktirmasdan ayrim 
hujjatlarga yoki bir xildagi hujjatlarning bir guruhi asosida tuziladi. Subschyotlar 
korrespondensiyasi memorial orderlarda ikki yoqlama yozuv qoidasiga muvofiq 
yozib boriladi. 
Memorial orderlar bosh hisobchi (yoki uning o‘rinbosari) va ijrochi (hisobchi) 
5
“Byudjet tashkilotlarida buxgalteriya hisobi to’g’risida”gi Yo’riqnoma. O`zgartirish va qo`shimchalar bilan O’z.R 
AV. tomonidan 2018 yil 17 martda № 2169-2-son bilan ro’yxatdan o’tgan. 

---

120 
tomonidan imzolanadi. Barcha memorial orderlar 308-son shakldagi “Bosh-jurnal 
kitobi”da ro‘yxatga olinadi. “Bosh-jurnal kitobi” har bir subschyot bo‘yicha 
yuritiladi. “Bosh-jurnal kitobi” o‘tgan yildagi yakunlovchi balansga muvofiq yil 
boshiga qolgan qoldiq summalarni ko‘chirib yozish bilan ochiladi. Bu daftarga 
yozuvlar memorial orderlar va memorial order – jamlanma qaydnomalar 
tuzilgandan keyin oyiga bir marta yoziladi.