M. DÁWletov, A. DÁWletov, Z. IsMAylova, A. DÁWletova

2
67-shi’ni’g’i’w
. 
Berilgen tekstti oqıp, mazmunın túsinip 
alıń. Onnan keyin «Doslıq» degen temada gúrriń jazıń. Jazǵan 
gúrrińińizde ózińniń doslarıńnıń turmısınan mısallar keltiriń.

---

145
Dos dostıń qasında bolsa da, yaki uzaqta bolsa da, 
olar bir-birine kózqarasın ózgertpeydi, bir-biriniń shadlıǵına 
quwanıp júredi. Ǵam kelse birge tartadı, dostına jaqsılıq etse 
onı umıtadı. Dos oǵan jaqsılıq qılsa heshqashan umıtpaydı. 
Eger dostı qáte islep qoysa onı keshiredi. Dostına jaqsılıq 
etse, ol onı qashan qaytarar eken dep úmidiwar bolıp júrmey-
di. Tek ǵana dúnyaxor adamlar barlıq nárseni mal-dúnya 
menen ólsheytuǵın adamlar sonday qıyalda júriwi múmkin. 
(Abdulbarakat Kadiriy)
268-shınıǵıw.
Tekstti oqıń. Tekstten paydalanıp, «Awıl hám 
qalalarımızda Nawrız bayramı» degen temada sóylep beriń. 
Úlkemizde nawrız bayramı
Búgingi tań basqasha attı, hápte dawamında tonın teris 
kiyip, kewillerge biraz ǵulǵula qáweter salıp turǵan tábiyatımız 
da Nawrız sáhárinde kewlin ashıp jiberdi. Erte tańnan ana 
quyashtıń ıssı nurları Aral boyınıń topıraǵınan óz saqawatın 
ayamadı. Bul tegin emes, bunda ózine tán qásiyet bar. 
Usı kúni teberik topıraqta jasawshı kekse analardan baslap 
júrekleri ǵayratqa tolǵan jaslarǵa shekem hámmeniń kewlinde 
bir tilek: «Nawrızdan Nawrızǵa jetkere bergey» degen bir tilek 
boldı.
Nawrız bayramı búgin Qaraqalpaqstan Respublikasınıń 
paytaxtı Nókis qalasında úlken siyasıy, ruwxıy hám miynet 
kóterińkiligi jaǵdayında belgilendi. 
Azanǵı saat 10. Paytaxtımızdaǵı Respublika maydanı bay-
ramdaǵıday bezelgen. 
Nawrız – ulıwma xalıqlıq bayram húrmetine baǵıshlanǵan 
kórkem óner sheberleriniń «Assalam, Nawrızım — báhár bay-
ramı» dep atalǵan teatrlastırılǵan bayram tamashaları baslandı. 
Bayram tamashaları paytaxtımızdıń belgili orınlarında bolıp 
ótti, olarda kórkem óner háweskeri óz koncert baǵdarlamaların 
qoyıp berdi. 
Mehir-mirúwbet, jaslıq, gózzallıq, jańalanıw, pákleniw 
bayramı Nawrız barlıq rayon hám qala oraylarında, awıllarda 
bolıp ótti, ol hárbir shańaraqqa ózgeshe ruwx hám quwanısh 
alıp keldi. 
(«E.Q»)
10 — Qaraqalpaq tili, 7-kl

---

146
269-shınıǵıw.
Qosıqtı oqıń. Mazmunın túsinip alıń. Qosıqtan 
paydalanıp, «Mehriban ana» degen temada ananı súwretlep kishi 
kólemli shıǵarma jazıń.