Sh. H. Usanov, M. X. Tinibekov harbiy toksikologiya

To‘liq sanitar ishlov. Bu  ishlov  turini  o‘tkazish  ham  qisman 

sanitar  ishlov  kabi  o‘tkaziladi.  Faqat  bunda  barcha  tadbirlar 

nafaqat zaharli modda tekkan joy, balki butun tanani sovun va suv 

yordamida yuvish yo‘li bilan zaharli moddani butunlay yo‘qotishga 

qaratilgan bo‘ladi. To‘liq sanitar ishlovdan zaharli hududda bo‘lgan 

barcha odamlar o‘tkaziladi. 

To‘liq  sanitar  ishlov  avvaldan  tayyorlab  qo‘yilgan,  cho‘milish 

mumkin bo‘lgan maxsus joyda o‘tkaziladi.

Zararlangan  hududdan  kelgan  odamlar  avval  yechinish  joyiga 

kiritilib,  yechintiriladi.  Ularning  kiyimlari  maxsus  ishlov  berish 

joyiga yuboriladi. Keyin ular tibbiy ko‘rik xonasiga o‘tkaziladi. Bu 

joyda  ular  tibbiy  ko‘rikdan  o‘tkazilish  barobarida  ko‘z,  burun  va 

og‘izlari ham tozalandi. Tibbiy yordamga muhtoj odamlarga tibbiy 

yordam ko‘rsatiladi. 

Zararlanganlar  tibbiy  ko‘rikdan  so‘ng  cho‘milish  xonasiga 

kirib  sovun  va  mochalka  yordamida  yaxshilab  yuvinishadi.  Har 

bir  kishiga  40  g  sovun,  38–40°C  haroratdagi  30–35  litr  suv  sarf 

qilinadi.  Cho‘milib  bo‘lganlar  kyinish  xonasiga  o‘tkaziladi.  Bu 

joyda ular qayta tibbiy ko‘rikdan o‘tkazilib, zararsizlantirilgan yoki 

yangi kiyim bilan ta’minlanadi. 

To‘liq sanitar ishlov o‘rtacha 30 daqiqa davom etadi (yechinishga 

5 daqiqa, cho‘milishga 15 daqiqa, kiyinishga 10 daqiqa).

---

89

To‘liq  sanitar  ishlovdan  o‘tkazilgan  odamlar  ishlov  punktidan 

chiqishlari  davomida  bu  joyga  zararlangan  hududdan  kelayotgan 

odamlarga to‘qnash kelishlariga yo‘l qo‘yilmaydi.