Sh. H. Usanov, M. X. Tinibekov harbiy toksikologiya

Oziq-ovqat mahsulotlarini degazatsiya qilish.  Oziq-ovqat 

mahsulotlarini degazatsiya qilish mahsulot turi, idishi va zararlanish 

turiga bog‘liq bo‘ladi. Agar mahsulot germetik idishda saqlanayotgan 

bo‘lsa, idishning o‘zini suv va degazatsiyalovchi modda yordamida 

ishlovdan o‘tkazishning o‘zi kifoya qiladi.

Agar mahsulot yog‘och idishda saqlangan bo‘lsa, uning idishini 

degazatsiyalovchi  eritma  bilan  namlangan  latta  yordamida  artib 

chiqib mahsulotni boshqa idishga solish lozim. Agar zaharli modda 

mahsulotga tekkan bo‘lsa, u saqlanayotgan idish uzunligidagi faner 

yordamida  mahsulotning  zararlangan  qismini  5–10  sm  qalinlikda 

olib tashlash zarur. 

Agar kam miqdordagi mahsulot zararlangan bo‘lsa, bu mahsulot 

yo‘q  qilinadi. Agar  ko‘p  miqdordagi  mahsulotlar  saqlanadigan  joy 

(ombor)  zararlangan  bo‘lsa,  bu  joy  va  uning  atrofi  degazatsiya 

qilinadi va bu joydagi mahsulotlar uch toifaga ajratiladi:

–  ko‘zga  tashlanib  turadigan  darajada  zararlangan  mahsulotlar 

yo‘q qilinadi;

–  zararlanganlikka  gumon  qilingan  va  kuchsiz  darajada 

zararlangan  mahsulotlar  shamollatiladi  yoki  boshqa  usullar 

yordamida zararsizlantiriladi;

–  zararlanmagan  mahsulotlar  nazorat  tekshiruvidan  o‘tkazilib, 

iste’molga yuboriladi. 

Degazatsiyadan o‘tkazilgan mahsulotlar uzoq muddat davomida 

pishirilishi lozim.